Koordînasyona Komalên Jinên Kurdistanê KJK’ê li ser şewatê daxuyaniyek da û xwest heyetek biçe Îmraliyê.
KJK’ê diyar kir ku şewata li Îmraliyê ne tesadufe û banga xurtkirina çalakiyên ji bo Rêber Apo kir..
Koordînasyona KJK’ê li ser şewata li Îmraliyê daxuyaniyeke da û bal kişand ser pergala êşkencê ya Îmraliyê.
KJK’ê di serî de diyar kir ku Rêber Abdullah Ocalan di bin şertên dijwar û tecrîda giran de li Îmraliyê dîl tê girtin û got:
“Li dijî Rêber Apo siyaseteke taybet dimeşînin. Her roj jiyana Rêber Apo zehmetir dikin. Faşîzma AKP-MHP’ê bi siyaseta taybet hewl dide, nehêle Rêber Apo nefes bigire.”
KJK’ê bi bîr xist ku ji 7’ê tebaxa 2019’an û vir ve, ji Rêber Apo ti agahî nayê girtin û wiha got:
“Şewata li daristana Îmraliyê rê li ber fikarên tevahiya gelê Kurd vekir. Ev rewşeke cidî ye. Nabe wekî tiştek ji rêzê were dîtin. Helbet em û gelê me bawerî bi gotin û daxuyaniya rayedarên Tirk ên qirker nake. Lewma dixwaze parêzer û malbat biçe Îmraliyê. Ev daxwaza tevahiya gelê Kurd e.”
KJK’ê bal kişand ser çalakiyên piştî belavbûna nûçeya şewatê û ji kurdistanî û dostan xwest ku heta parêzer û malbat biçin Îmraliyê, ji kûçeyan veneqetin.
Koordînasyona KJK’ê bal kişand ser berpiryariya CPT’ê jî û jê xwest ku bikeve nava tevgerê û zû heyetekê bişîne Îmraliyê.
