Koordînasîyona Komalêy Cînîyanê Kurdistanî KJK bi wesîleya serragêrayîya 7’ine ya komkiştişê Parîsî eşkerayîyêke bi raya pêroyî reyde barre kerde.
KJK di eşkerayîya xo de vat gere 9’ê Çeleye bibo roca berzkerdişê tekoşîne û serra 2021’ine zî bibo serra hesabpersayişê ferasetê camêrdaneyî, tacîzkar, tecewuzkar û qirkeran ra.
KOORDÎNASYONA KJK:
KOMKIŞTIŞÊ PARÎSE, VERVA CÎNÎYA AZADE, MERDIMÊ AZADÎ Û KURDÊ AZADÎ PÊK AME
Koordînasîyona Komalêy Cînîyanê Kurdistanî KJK bi wesîleya serragêrayîya 7’ine ya Parîse eşkerayîyêke da.
KJK di eşkerayîya xo de vat, ma kewenê serra 8’ine ya kkomkiştişî.
Di ney komkiştişî de mexsed, çinêkerdişê cînîya azade ke bi paradîgmaya Rayver Apoyî, xo birayvistin kenê bi.
Eşkerayî wina dewam kena.
No komkiştiş, di çarçoveya şerrê 3’ine yê Cîhanî de, bi paştîdayişê hêzanê kapîtalîstan, hetê çeteyanê MÎT’ê Erdoganî ra ame pêkardene.
Modernîteya Kapîtalîste, ke xo ro ser desteserkerdişê azadîya cînîye û şaran bi rayvistin kerdo, êdî teşe û taktîkê xo êy şerrî vûrnayê.
Komkiştişê Parîsî, yo bi destê MÎT’ê dewleta tirke, nê tenê êrîşê verva 3 cînîyê şoreşgeran êy kurdan, verva raştîya cînîyanêy ke verkêşîya Modernîteya Demokratîke kenê, cînîya azade, merdimê azadî û kurdêy azadan, ameyo pêkardene.
KOORDÎNASYONA KJK:
NO ÊRÎŞ VERVA CEWHERÊ STRATEJÎKÎ YÊ TÊKILÎYA RAYVERTÎYE Û CÎNÎYAN BI
Di eşkerayî de ame vatiş no komkiştiş di şexsê Sara de verva cewherê stratejîkî yê têkikîya Rayver Apoyî û cînîyan ame pêkardiş.
Heval Sara, wayir rol û mîsyonê stratejîkî, yê îdeolojîyê azadîya cînîyan bî.
Di mîyanê raştîya serserra 21’ine de, seba cînîyanê Kurdistan, Rochelatê Mîyanînî û dinya, muhîmîya ney ferasetî yeno zanayiş.
Sloganê, do ” Do Cînîy Cîhanî Azad Bikerê”, çîyêko zaf muhîm o û serwerîya camêrdî tersneno.
Çîyo ke di şexsê Heval Sara de pêk yeno, verkêşîya şoreşa cînîyan ya Cîhanî ya.
Heval Rojbîn û Ronahî zî, bi sebebo ke mîlîtanîya nêy erjanê Heval Sara kerdê, amey qetilkerdene.
KOORDÎNASYONA KJK:
FRANSA VERPERSÎYARA NEY KOMKIŞTIŞÎ YA
KJK, rolê Fransa yê di ney komkiştişî de, bi nêy vatişan ana ziwan
No komkiştiş, Parîse de pêk ame.
Fransa mehkemekerdişê tetikêşî Omer Guneyî aweqna û raderg kerd.
Verîya mehkemekerdişî, merdişo biguman yê Omer Gunayî ra eşkera beno ke, têkilîya Fransa zî di ney komkiştişî de, est a.
Rixmo ke belge û îspatîy est bîy zî, dewleta tirke sûcdar nêkerde.
Heke Fransa di ney komkiştişî de wayir rolêkê raşteraştî nîya se, gere raştîyan veco orte û verva Şarê Kurdî polîtîkayanê xo bivûrno.
KOORDÎNASYONA KJK:
GERE 9’Ê ÇELEYE BIBO ROCA BERZKERDIŞÊ TEKOŞÎNE
KJK di dewamê eşkrayîya xo de vat;
Tekoşîna verva faşîzmî, gere bi goreyê raştîya azadîya netewî û cînîye, reyna bi goreyê yewîtîya şaran û Neteweya Demokratîke bêro dayene.
Gere serragêrayîya 9’ê Çeleye, ro roca hesabpersayişî bêro açarnayene û 9’ê Çeleye, bibo roca pîle ya berzkerdişê tekoşîne.
Ney esasan sero, ma veng ro heme cînîyanê Kurdan û cîhanî kenê ke, tewrê na tekoşîne bibê.
Ma serra 2021’ine faşîzm, desthelatdarîya camêrdî û qirkeran rê bikerê serra hesabpersayiş û serkewtinî.
