Kongreya Netewî ya Kurdistanî KNK bi wesîleya komkiştişê parîsî eşkerayîyêka nûştekî bi raya pêroyî reyde barre kerde.
KNK di eşkerayîya xo de vat; Do Sara, Rojbîn û Ronahî zê sembol xoverdêrîye bêrê bivîrardene.
Xoverdêrî, tekoşîne û keda Sakîne Cansize binkeya tekoşîna cînya kurde yê.
Kongreya Netewî ya Kurdistanî KNK bi wesîleya serragêrayîya komkiştişê Parîsî û Slopîya, 6 cînîyê tekoşerîy êy kurdîy bi vîr ardîy.
Eşkerayîya KNK wina ya.
Na ra 8 serrîy raver paytextê Fransa Parîz de komkiştişêke pêk ame.
No komkiştiş bi destê dewleta tirke ya faşîste û bêvengîya Fransa, ame pêkardene.
Hedefa ney komkiştişî de Sakîne Cansiz, Fîdan Dogan û Leyla Şaylemeze est bîy.
Reyna di 4’ê Çeleya 2016’ine de Silopîyaya Şirnexe de zî 3 cînîyê şoreşgerîy Sêvê Demîr, Pakîze Nayir û Fîdan Dogane hetê dewleta tirke ra
amey qetilkerdene.
Ma nêy 6 cînîyanê Şoreşgeran bi hurmet bi vîr anê û beşna xo verva înan tewênenê.
Sakîne Cansize cînîyêka verkêşe û nîşaneya xoverdêrîya cînîya kurde û endama awankerdişê PKK yî bî.
Sakîne Cansize û rayhevalanê aye Fîdan Dogan û Leyla Şaylemeze tersêko pîl kerdbi zerrîya dişmenê faşîstan.
No komkiştiş hetê dewleta tirke ra bi awayêko plankerde ame pêkardene û Fransa zî bi bêvengîya xo bî şirîkê komkiştişî.
Do şaro Kurd,tu wextêke,nêy komkiştişan xo vîrî ra nêkero û hesab biperso.
Do Sara,Rojbîn û Ronahî,her wext zê sembolê xoverdêrîye bêrê bivîrardene.