TERZÊ SIYASETA DEWLETA ÎRANÊ; ZILM Û ŞER
KODAR: DIVÊ HER KES LI DIJÎ SIYASETA ŞER XWEDÎ HELWEST BE
Komelgeha Demokratîk û Azad a Rojhilatê Kurdistanê KODAR’ê li ser girtin û binçavkirinên çalakvan û welatiyan ya ji aliyê hêzên Îranê ve, daxuyaniyek weşand.
KODAR’ê diyar kir ku êriş li ser hemû gelên Îran û civakê ye.
KODAR’ê destnîşan kir ku dewleta Îranê bi vê siyaseta xwe dixwaze kolan ji hêza pêşeng ya gel vale bimîne û ewlekariya gel ji holê rake.
Di daxuyaniya KODAR’ê de ev detay derketin pêş:
Gendeliya rejîmê, ji civakê re îspatkiriye ku êdî nikare bi direwan çavê xwe ji daxwazên gelan re bigre.
Komara Îslamî hebûna civakê weke metirsî dibîne.
Gelên Îranê û civak dixwazin dûrî tundûtujiyê, bi awayekî aştiyane pirsgirêkên xwe bi desthilatê re çareser bike.
Lê weke tê dîtin komara Îranê, tenê zimanê şer û gefan dizane.
Ya ku çêdibe, komkujiyek siyasî û qirkirina civakê ye.
Rejîm dixwaze beşek ji civakê li hemberî beşek din bêdeng bike.
Ji bo vê hemû îmkanên xwe seferber kiriye.
Divê hemû hizb û aliyên siyasî bizanin ku ev êriş li dijî hemû civakê ye.
Ji bo vê pêwîste hemû alî dijî vê yekê xwedî helwest bin.