Komîsyona Cînîyan ya KNK,derheqê polîtîkayanê qirkerdişî yê faşîzmê AKP-Erdoganî û provakasîyonanê PDK êy heremanê Garê û Metîna de eşkerayîyêka nûştekîye da.
Komîsyone di eşkerayîya xo de vat;
“Erdogan verva heme destkewteyanê cînîyanê Kurdan şerr keno”
KOMÎSYONA CÎNÎYAN YA KNK
“ERDOGAN VERVA HEME DESTKEWTEYANÊ CÎNÎYÊ KURDAN ŞERR KENO”
Komîsyona Cînîyan ya Kongreya Netewî ya Kurdistanî KNK, derheqê êrîşanê dewleta tirke û provakasîyonanê PDK êy şerrêkê xomîyanî de, eşkerayîyêka nûştekîye da.
Eşkerayîya Komîsyona wina ya.
Eşkerayo ke dewleta tirke û tay dewletê Rocawanî, wazenê Vaşûrê Kurdistanî de hêzanê kurdan bîyarê têduşt. Na raybaza perçekerdişî ya.
Bado ke Vaşûrê Kurdistanî de statûyêka Federe û Rojavayî de zî Rayirberîyêka Xosere amey bidest fistiş, dişmenê kurdan kewtîy mîyanê ters û fikaran.
Reyna ame dîyiş ke bi tekoşînêka bi verkêşîya cînîyan, Rochelato Mîyanên de civatêko newe yê kurdan û şarêy bînan,yeno awankerdene.
Di şerrê verva DAÎŞ î de, Cînîyanê Kurdan, Rojava û Şengale de, bi tekoşîna xo serreyê Kurdan cîhan de berz kerd. Sloganê ” Jin Jiyan Azadî” ewro bi kirdkî, hemeyê dinya de yeno berzkerdene.
Eşkerayî wina dewam kena.
Na rewşe tewir zaf, şef û rayirberê DAÎŞ î Erdoganî tersnena.
Bi no sebeb Erdogan verva heme destkewteyanê cînîyanê kurdan şerr keno. Erdogan wazeno heyfa têkşîyişê DAÎŞ î, bigero.
Bi no sebeb Erdogan û rayedarê dewleta tirke, di her fersendî de destdergî û ziwandergîya cînîyanê kurdan kenê.
Erdogan û dormeyê xo êdî zanenêy ke Kurdistan de sîyasetê koletîye yo ro şarê Kurdî nîno domnayene.
Bi no sebeb wazenê nêy destkewteyanê ma bi şerrêkê giranî yê heremanê Garê û Metîna de têk berê û kurdan reyna açarnê pergala koletîye ya verêne.
Eşkerayî wina bi peynî bena.
Ma cînîy mehne danê sîyasetê bi îşgalkeran reyde, la ma mehne nêdanê hêzêka kurd nameyê îşgalkeran sero xo seba şerrêkê xomîyanî hedre bikero.
Heke dewleta tirke;
Di na plana xo de bi ser bikewo do dime ra zî bi 40 baregehanê xo êy eskerîyan êy Vaşûrî, Vaşûr û Rojavayî orte ra wedaro.
Gere ma xo vîrî ra nêkerê ke Statûya Vaşûrê Kurdistanî birînêka xorî ya dewleta tirke ya.
Ma veng ro heme cînîyanê Kurdan kenê ke, nêverdê kamîya ma ya rûmetine bi destê îşgalker û hemkaran bêro çinêkerdene. Reyna wazenê destûr nêdeyo ziwandergîya tu hêzêke ya verva destkewteyanê cînîyan.
