Komîsyona Cipersayişî ya Neteweyê Yewbîyeyan ya Sûrîya, derheqê sûcanê dewleta tirke û çeteyanê aye êy Efrîn û Serêkanîye de raporêke hedire kerd.
Di rapor de yeno vatiş;
“Di bin kontrolê dewleta tirke de, Efrîn û Serêkanîye de sûcê verva merdimayîye yenê pêkardene.”
Komîsyona Cipersayişî ya Neteweyê Yewbîyeyan ya Sûrîya, derheqê sûcanê Dewleta tirke û çeteyanê aye êy Efrîn û Serêkanîye de raporêke hedre kerd.
Rapor kerdenanê maberê 21’ê Çeleyî û Temûza 2020’ine, geno dest.
Rapor bi tewerbîyişê Serokê Komîsyone Paûlo Sergîo Pînheîroyî, bi eşkerayîyêka çapemenîye ame eşkerakerdene.
Reyna do rapor di roniştişê 45’ine yê Heqanê Merediman yê Ofîsê Cenewe de, bêro destgirotene.
Di rapor de nêy yenê vatiş.
Dewelta tirke û çeteyê di bin kontrolê aye de, Efrîn û Serêkanîye de tecawiz, talan, xesp,kiştiş, remnayiş û îşkence zî mîyan de,sûcanê verva merdimayîye pêk anê.
Efrîn û Serêkanîye de keyeyê kurdan bi awayêko sîstematîk, hetê çeteyan ra yenê tespîtkerdiş û kurdîy ca û wareyanê xo ra bi zore yenê vetiş.
Dest neyeno ro mal û milkê kurdan ser. Keyeyê Kurdan ke yenê vengkerdişî, di bin nameyê kursanê Kuranî de benê cayê perwerdeyîya cîhadîste.
Merasîmê akerdişê navendêka winayine zî, hetê Walîyê Riha ra ameyo kerdiş. Tay keyey û dibistanîy zî hetê artêşa tirke ra zê qerargehanê eskerî yenê bikarardene.
Efrîn û Serêkanîye de remnayiş û tecawizêy verva cînîyan, vecîyayê asta tewir berze. Xisûsî zî verva cînîyê êzîdîyan.
Operasîyonê verva Kurdan û Êzîdîyan, hetê çeteyan û polîsanê tirkan ra yenê pêkardişî. Kesêy ke di nêy operasîyonan de yenê girotiş hetê polîsanê tirkîya ra yenê cipersayiş û tay zî, şirawîyenê tirkîya.
No zî nîşan dano ke nêy kerdeney, di çarçoveya hîyerarşîyêkê eskerî yo di bin kontrolê artêşe û dewleta tirke de pêk yenê. No sûcê şerrî reyde binlingkerdişê hiqûqê mîyanetewî yo zî.
Di rapor de talan û texrîbkerdişê dew û mekanêy tarîxîyan, bi dimenanê ûydûyan zî ameyê belgekerdene.
https://anfturkce.com/rojava-surIye/bm-efrin-ve-serekaniye-deki-savas-suclarini-boeyle-belgeledi-145746
Perestgeha Aîn Dara ke wayir tarîxêkê 3 hezarîy serrîy a, ameya texrîbkerdene.
Reyna qada tarîxî ya Helenîstîk û Arkeolojîke ya Efrînî bi nêy dîmenan ameya belgekerdene
Xerepnayiş û çinêkerdişê dewa Dawodîya hetê artêşa dewleta tirike ra bi dîmenan ameyo nîşandayiş.
Şênîyê dewe ameyê koçberkerdiş û keyeyê dewican nika zê qereargehanê eskerî êy dewleta tirke yenê bikarardiş.
Rapor 25 ripelan ra pêk yeno û do pêşkêşê roniştişanê Heqanê Merdiman yê Netewê yewbîyeyan, ke 14’ê Îlone de dest pê kerdibi û do heta 6’ê Citmenge dewam bikerê, bêro kerdene.
