Komîteya Dîplomasîya PKK’yî cevabê eşkerayîya Wezîrê Karanê Teberî yê Dewleta Tirke da..
Komîteya PKK vat,
“Plan û îşgalkerdişê Hewlêre karê Dewleta Tirke yo.”
Wezîrê Karanê Teberî yê Dewleta Tirke Mevlût Çavûşogluyî bi armancê,maberê PKK û PDK de dişmentî awan bikero eşkerayîyêka daybîy.
Mevlut Çavûşogluyî îddîa kerdbi ke PKK hedreyîya îşgalê Hewlêre kena..
Komîteya Dîplomasîya PKK cevabê Wezîrê Karanê Teberî yê Dewleta Tirke da..
Eşkerayîya Komîteya Dîplomasîya PKK wina ya:
Vatişê Tekoşîna şerê Çekdarîye zirar ro şarê Kûrdî dano raşt nîya.
Şerê Çekdarîy semedê azadîy û xelasîya şarêma rêbazîak mecbûrîya.
Şarê Kûrdistabnî bi ti tewirî nêeşkeno xo îfade bikero.
Kamî û statuyê şarêma nînê qebûl kerdiş. Bi rêbazanê bê çekdarî zî tekoşîna şarê ma raştê qirkeridşî yena.
Şarê ma mecburo xo bi rêbazanê çekdarîy bi pawo.
Komîteya Dîplomasîya PKK eşkerayîya xo de bale ante êrişê Dewleta Tirke yê verva Heftanînî ser û vat:
Dewleta Tirke 16’ê Hezîranî de verva Heftanînî êrişêko verhîra da dest pêkerdiş.
PDK êrişê Dewleta Tirke yê verva Heftanînî, Şengalî û Mexmurî meşru newnena.
Gere PDK destek nêdo êrişanê Dewleta Tirke. Lazimo PDK fek ro dek û dolaban veredo.
Gerîlayê Azadîye heme perçeyanê Kûrdistanî de semedê azdîya şarê Kûrdî û xelasîya Kûrdistanî tekoşîn kenê.
Komîteya Dîplamasî ya PKK vat:
Beno ke Dewleta Tirke semedê Hewlêre planê êrişê îşgalkerîye hedre kerda.
Hewlêr bajara welatê mayo. Hewlêre de Kûrdî cuwîyenê. Gerîlayê azadîye tenî verva dewletanê îşgalkeran tekoşîna çekdarî danê.
Lazimo PDK bi na plana Dewleta Tirke bizano. Hewlêr paytexta Vaşûrê Kûrdistanî ya.
Komîteya Dîplomasîya PKK vengro şarê Kûrdî kerd û waşt bi hîşyarî konsepta Dewleta Tirke vero bivecîyên.
