Komîteya Nevanda PKK bi vesîleya serageyrayîya 42’ine ya PKK eşkerayîyêk da.
Komîteya Navenda PKK sera 43’ine ya PKK de,do faşîzmê AKP-MHP birijîyo,Îşkenceyê Îmralî û sîtemê tecrîdî bi peynî bibo.
Sera 43’ine ya Partîya ma PKK do bi serkewtî derbaz bibo.
Bi wesîleya Serageyrayîya Awanbîyişê Partîya Karkerên Kurdistanî,Komîteya Navenda PKK eşkerayîyêka nuştekî vila kerd:
Eşkerayîya PKK una ya:
Hereket û Şarê ma awankerdişê Partîya PKK ya 42’ine de cuwîyenê. 27’ê Mijdare sera 1978’ine de partîya ma PKK bi rayvertîya rayver Abdullah Ocalanî amey awankerdene. Bi no vesîle ra sere de ma rayver Apoyî û heme partîzanan û şarê ma yo welatperwerî rê,awanbîyişê Partîya PKK fîraz kenê.. Reyna şexsê Şehîdo pîl Hakî Karerî, Kasim Engîn, Leyla Agirî,Agît Civyan,Amara Batman û Yilmaz Dersîmî de heme şehîdanê tekoşîna azadîya bi hurmet û bi minnet bi vîr anê. Komîteya Navenda PKK sozê xo yê bivîrardişê Şehîdan û Şoreşe newe kerd.
Eşkerayîya Komîteya Navenda PKK una dewam kena,
Heme hetîra zelal û eşkerayo ke,sera 42’ine ya partîya ma PKK serêkê bi heme hetîra bi tekoşîn derbas bîy. Reyna na sere de tekoşîna ma bi desan rayhevalî şehîd day. Şehîdanê ma yo peyînanra yew endamê Komîteya Navenda PKK û Fermandarê Eyaleta Dersîmî Îsmaîl Surgeç bi nameyo naskerdeyî Yilmaz Dersîm bi. Rayheval Yilmaz wextêko dergbi tekoşîna azadîya Kurdistanî bi gerîlatîy domnayni.. Rayheval Yilmaz Gerîla,Fermandar û şervanêko bi cesaret û qehremanê xeta Apoyî bi.. Bi seran Dersîm de mend. Tarîxê xoverderîya Dersîmî, rihê Seyît Rixay û Alîşîran temsîl kerd..
Komîteya Navenda PKK derheqê tekoşîna verva ro ser Cenîyan de zî una vat;
25’ê Mijdare Roca tekoşîna verva Şîdetê ro ser cenîyana.. Kurdistan û dinya de Cenîy tekoşîna verva Şîdetî berz kenê. Cenîy verva zîhnîyetê hukumkerdişê camîrdîyê.. Verva Tacîz,tecaviz û kiştişî tekoşîn kenê.. Cenîyê Kurdistanî bi paradîgmaya Rayver Apoyî verva şîddet û hukumdarîya Camîrdî tekoşîn danê.Na sere zêdetirê heme seran, do Cenîy 25’ê Mijdare de verva şîdet û zîhnîyeta hukumdarî teoşîna xo berz bikerê.
Komîteyê Navenda PKK sera 43’ine ya tekoşîna PKK zî una destnîşan kerd.
Sera 43’ine partîya ma PKK bi hemleya KCK ya Tecrîd,Îşgal û Faşîzmîrê beso,Wext Wextê Azadîye yo, do morê xo sera neweyî bido. Bi tekoşîna hereket û şarê ma do pergala faşîst ya AKP-MHP têk şêro. Do tecrîdî ro Ser Rayver Apoyî û Sîstema Îmralî bêro rijnayiş. Komîteya Navenda PKK peynî de zî Sera 43’ine ya awanbîyişê PKK Rayver Apoyî,şehîdan û şarê Kurdîrê fîraz kerd.
