Sterk TV – Zindi, Canli, Live, Kurdî, Kurmancî, Soranî, Zazakî, Dimilkî, Hewramanî, Kurdistan
Nûçeyên Dawî

Komîteya Zindanan a PKK`ê û PAJK`ê: Faşîzm herî zêde ji kolanan ditirse 28.09.2020

 

KOMÎTEYA ZINDANAN A PKK Û PAJK’Ê:
FAŞÎZM HERÎ ZÊDE JI KOLANAN DITIRSE

“Li dijî faşîzmê dem dema derketina kolanan e!”

Komîteya Zindanan a PKK’ê û PAJK’ê, bi van gotinan banga bilindkirina berxwedanê kir.

Zindaniyên PKK û PAJK’ê diyar kirin ku desthilat herî zêde ji kolanan ditirse.

Em bang dikin ku dakevin kolanan. Dem ne dema tirsê, dema werekî yê ye; dem ne dema lewazbûn dema têkoşînê ye.

Komîteya Zindanan a PKK’ê û PAJK’ê, têkildarî tevgera qirkirina siyasî ya li dijî HDP’ê daxuyanî da.

Di daxuyaniyê de tê gotin dema mijar dibe Kurd, rejîma faşîst a AKP-MHP-Ergenekonê ti pîvanên mirovî û exlaqî nas nake.

Gihiştiye wê astê ku êdî ti wateya gotinê nemaye.

Komîteya Zindanan buyerên li Tirkiyê di qewimin yek bi yek rêz kir û got;

“Ev tolhildan e. Feşîzma AKP-MHP-ERGENEKON’ê, ku her roj winda dike; bi êrîşên li dijî hemû beşên civakê yên mixalîf, dixwaze tola xwe hilîne.”

Di daxuyaniyê de tê bibîr xistin ku îro bi hezaran girtiyên şoreşger li dijî rejîma faşîst serî natewînin û berxwedanekî dîrokî raber dikin.

“Li zindanan berê di bin navê ‘Rewşa Awarte’ de, îro jî di bin navê ‘tedbîr’ û ‘pîvanên pandemiyê’ de, her cûre polîtîkayên zilm û zextê dimeşîne. Hemû pîvanên mirovî û civakî binpê dikin. Pêwîstiyên herî bingehîn yên wekî av, sabûn û amûrên hîjyenê jî nadin û nahêlin em bi pereyên xwe jî bikirin.”

Komîteya Zindanan, destnîşan kir ku dewleta Tirk, kesên nikare li derve bikuje, li girtîgehan terkî mirinê dike.

Û diyar dike ku herî dawî Alî Boçnak ê 80 salî ku tenê mewlûda Kurdî xwendibû, Takiyettîn Ozkahraman û Sînan Gencer, şehîd bûn.

Di daxuyaniyê de tê bibîrxistin ku zarokên bi nirx ên gelê Kurd, li dijî faşîzmê vîna xwe teslîm nekirin û têkoşînê mezin dikin.

Komîteya Zindanan di dawiya daxiyaniya xwe de vê bangê li herkesî dike:

“Em bang li her kesî dikin ku li dijî faşîzmê, têkoşînê bilind bikin û dakevin kolanan. Li wan kolanên ku faşîzm herî zêde jê ditirse, em serhildan û berxwedanê mezin bikin. Dem ne dema tirsê, dema cesaretbûnê ye, dem ne dema lewazbûn, dema mezinkirina têkoşînê ye.”

Ev jî hatin dîtin

Tûra nûçeyên cîhanê 22.10.2020

Stêrk Tv

Amy Austin Holmes: Washington dikare hebûna Rûsan bi sînor bike û desteke bide Kurdan 22.10.2020

Stêrk Tv

Tûra nûçeyan 22.10.2020

Stêrk Tv

Li Swisreyê li dijî biryara PDKê ya darvekirinê li dijî Mazlûm Dag û Abdurahman Er înîsyatîfa hevgirtinê hat avakirin 22.10.2020

Stêrk Tv

Ferda Çetîn: Tiştên ku Roja behsa wan kirî 22.10.2020

Stêrk Tv

Sozdar Avesta: “Bi peymana Sengale wazenê çîyo ke daîs nêşika bikero pêk bîyarê” 21.10.2020

Stêrk Tv
× Me agahdar bikin!