Derheqê komkiştişê Parîsî de dosyayêke esta…
Na dosya de îtîrafê rayedaranê MÎT’ê dewleta tirk, ke destê HPG de yî estê.
Îtîrafê înan de, detayanê komkiştişî estê.
Senî ame plankerde û hetî kamder kesan ra ame plankerdene.
La tewrê ney heme zî, rayedaranê Fransî cipersayîş û cigêrayîşo ke lazimo, nêkerdîy.
8 serrîy vîyratê, la belê hema zî edalet pêk nêameyo.
Tebaxa 2017’ine, qezaya Dûkan ya Silêmanîye de, gerîllayanê HPG “Operasyona Şoreşgere ya Heyfgirotişê Şehîd Sakîne Cansize” pêk ardîy.
Bi na operasyone reyde, rayirberanê MÎT’ê dewleta tirk, Erhan Pekçetîn û Aydin Gunel amey tepiştiş.
Ney wurdî kesî zî Rayirberê MÎT’î bîy û bi fermanê Erdoganî û bi Hakan Fîdanî dir xebetîyayni..
20 serrîy xeylê cayanê Kurdistan û Tirkîya de bi wezîfeyanê muhîme warzay û dimara navenda MÎT’î de ameyî wezîfedarkerdene.
Cipersayîşê 5 aşman ra dima, Pekçetîn û Gunelî dîyar kerdîy ke, înan bi fermanê Serokkomarê Tirk Erdogan û Mûşteşarê MÎT’î Hakan Fîdan reyde hedkrekarîya suîkaste ya verva rayirberanê PKK’yî kerdîy.
Reyna îtîraf kerdîy ke, komkiştişî 9’ê Çeleyî ya Parîsî raşre raşt bi fermanê Erdoganî pêk ameyo.
Erhan Pekçetînî di îtîrafê xo de eşkera kerd ke:
Komkiştişê Parîsî hetê serokê dayîreya faalîyetanê perçekerdişê etnîk Ugur Kaan Ayik, Midurê şubeya operasyonê Ogux Yuretî û elemanê şubeya opersyonê Ayhan Oranî ra ame kerdene.
Rayirberanê MÎT’î ra Sabahattîn Asal ke tewrê Muhammed Dervîşoglu reyde nameye heyeta dewlete tewrê pêdêyîşê Îmralîye bîynî, planê komkiştişî Parîsî ya serra 2013’ine kerdîy.
Sabahattîn Asal zî reşte raşt Hakan Fîdan û Erdoganî reyde mîyanê têkêlîye de yo û bi na awayî xebityeno.
Erhan Pekçetîn ard ziwan ke, Omer Guney zî endamê MÎT’î yo.
Estanika 4 personelêy MÎT û kiştoxîy ke bi fermana Erdogan û Hakan Fîdanî komkiştişî pêk ardîy wina ya:
Peyaya Ugur Kaan Ayik, Ogur Yuret û Sabahattîn Asal amey berzkerdiş.
Ayhan Oranî seba ke qisey mekero, orta ra ame wedartiş.
Tetîkkêş Omer Guney zî nêweşxaneya Parîsî de ame kiştiş.
Reyna, belgeya ke 14’ê Çeleya 2014’ine de kewt çapemenî nawit ke, germana komkiştişî 4 rayedaranê MÎT’ê tirka daye.
Û binî belgeyî de îmzeya înan zî esto.
Di heman wext de zî qeydê vengêke ke kewt înternetî nawit ke, Omer Guney bi rayedaranê MÎT’î reyde komkiştişî plan keno.
La tewrê naye zî, rayedaranê Fransî cipersayîş û cigêrayîşo ke lazimo nêkerdîy.
Û bi merg ango bi kiştişî kiştox Omer Guney reyde waştîy serê dosya padê.
