KOMKIŞTIŞÊ PARÎSÎ
GERE KIŞTOXÊY ESASÎ MÎT Û ERDOGAN, BÊRÊ MEHKEMEKERDIŞ
9’ê Çeleya 2013’ine, paytexta Fransa Parîs, kuçeya La Fayette de, verva 3 cinîye Kurd êy sîyasetmedar:
Awankerdoxanê PKK’yî ra yew Sakîne Cansiz, temsîlkara KNK ya Parîs Fîdan Dogan û Endama Têgêrayîşê Ciwananê Kurd Leyla Şaylemez:
Hetê tetîkkêşê MÎT’ê dewleta tirk Omer Guneyî ra ameye qetilkerdene.
A roce ra naheta tam 8 serrî derbase bîye.
Na komkiştiş ke Parîsî de pêk ame, hetê Rayver Abdullah Ocalanî ra zey Komkiştişî Dersime ya 2’ine ame binamekerdene.
Tewrê waştek û hewldanê Kurdistanijan zî, faîlêy esasî êy na komkiştiş, ke heme îşaret bi hikumeta tirk û rayedaranê tirke nîşan danê zî, hama zî nêamey mahkemekerdiş.
00:25 DETAY
Hata, 1 serr badê komkiştişî, qeydanê veng êy tetîkkêş û şefanê êy vecîyaybî orte.
Ney qedanê vengî ra dima, mahkemeya Fransa derheqê rolê MÎT’ê dewleta tirke, waştîy cipersayîş bêro xorînkerdene.
Wezîr û kizîrê êy a wext êy Fransa, vernîya kamerayan de soz dayê ke, do na dawa tarîtî de nêmano.
La 8 serrîy ra dima, hama zî derheqê faîl û kerdoxê esasî, ango derheqê MÎT’ê dewleta tirk û şefê rejîma faşîst Erdoganî de ti gaman nêamey vistij.
Hata bi operasyoneke taybet, tetîkkêş Omer Guney di zindanî de ame kiştiş.
Dawa do 24’ê Sîbata 2017’ine de biameynê dest pê kerdene.
La Omer Guney bi îhtîmalo ke qisey bikero, 17’ê Kanûna 2016’ine de ame kiştiş.
Dozgerîya Parîsî, badê kiştişê Omer Guneyî, dawa paday.
Na yew hêrsa Kurdistanijan vet asta tewir berze.
Çalakîyanê xurt ameye avervistij.
Qerardarîya malbatan ra dima, dozgerî qerar da ke cigêrayîşê edlî derheqê komkiştişî de bido dest pê kerdiş.
Na qerar nîmeye aşma gulana 2019’ine de amî girotene.
Na qerarê de rolêka pîle ya operasyonê gerîllayanê HPG ey verva MÎT’ê dewleta tirke estbi.
4’ê tebaxa 2017’ine de gerîllayan, Silêmanîye de çend rayedaranê MÎT’ê dewleta tirke girotê.
Ney sîxur derheqê planê qilêrîn êy rejîma tirke de xeylê zanayîşan dayî.
Mîyan zanayîşan de, plansazî û pêkardişê Komkiştişî Parîsî zî estbi.
Sîxûranê MÎT’î ra Erhan Pekçetîn û Aydin Gunelî eşkera kerdîy ke, komkiştişî Parîsî hetê îstîxbaratê Tirke ra ame kerdene.
Nameye ke belgeya Çeleya 2014’ine de esbî zî, deşîfre kerdîy.
Ney kesan ra yew zî Sabahattîn Asal bi.
Wexto ke Parîsî de 3 cinîye şoreşger amey qetilkerdene, Sabahattîn Asalî, MÎT’î dewleta tirke de hedkarê Hakan Fîdanî bi.
Dozgerîya Fransa tewrê ney belgeyan û zanayîşan zî, gulana 2019’ine de tenê cipersayîşeke edlî akerd.
Cipersayîşî ra 19 amîy vîyartê.
La belê hama zî waşteka Kurdistanijan ya seba pêkameyîşê edaletî bica nêameyo.
