Ma vizêr dosyeyêk derheqê planê komkiştişî Parîsî ey MÎT’ê dewleta tirke şima reyde barre kerdbîy.
Komkiştişî Parîsî bi destê dewleta tirke pêk ame.
La belê hêzê limite pey no komkiştişî esto.
NATO û Gladio.
Ney hêzê kamî û Rayver Apo derheqê nêy hezan de se vano
Wexto ke Parîsî de komkiştiş pêk ame û 3 cinîye şoreşger Sakîne Cansiz, Fîdan Dogan û Leyla Şaylemez amey qetilkerdiş, girava Îmralî de zî heyeta Dewlete bi Rayver Apoyî pêdêyîş pêk ardîbîy.
Tam na wext de zî, agahîya komkiştişê ame.
Rayver Apo na komkiştiş zêy provokasyona têkberdişê pêdêyîşê Îmralî biname kerd.
Çimka naye ya verên nêbi.
Verîya naye zî, wexto ke Rayver Apo û dewleta tirke dest bi pêdêyîşan kerdîb, komkiştiş ya zî suîqastîy pêk amey.
Wextê Turgut Ozalî de zî wina bi.
Rayver Apo, qetilekrdişê Sakîne Cansiz zey derbeya 9’ê Çeleyî biname kerd û vat, bi na yewe peyame day PKK’yî.
Rayver Apo di pêdêyîşanê 2013’ine de bale antebi rola Gladio ya komkiştişî Parîsî de.
Rayver Apo vatm na komkiştiş hetê Gladio ra ame kerdene.
Washîngton bi rayire CIA û Gladio komkiştiş pêk ard.
Bi no sebeb zî Rayver Apo vatbi, kiştişê Sakîne Cansize komploya 2’ine ya.
Rayver Apo vecîyayîşî xo ra Surîya ra, zey operasyoneke Gladio-NATO biname kerdnê.
Bi goreye êy, her tim mîyan dewlete de, hetêk Gladio û hetêkê dewlete êy bîn de zî nêzdî çareserîye estbi.
Bi no sebeb her tim qala mekanîk ya derrbeyî keno.
Rayver Apo ard ziwan ke, roca ke dewleta tirk dekewt NATO’yî, qewimyayîşanê sîyasî, civat û komploya mîyannetewî bi xeta NATO-Gladio reyde girêdaye yo.
Heke na pêvajo baş nêro analîzkerdene, do kesêk nêeşko qewimyayîşanê muhîme fahm bikero.
Rayver Apo kiştişê Serokwezçre Swêd Olof Palme de zî rola Gladio destnîşan kerdbi.
Na qewimyayîş zî limite mend.
Hêza ke Rayver Apo behsê ci keno, ango Gladio, hêzêka limite ya ke mîyan NATO de ya.
Heke na hêz nêbibaynê, kam eşkaynê mîyan Parîsî de komkiştişeke wina pêk bîyaro?
Belê raşto, bi destê dewleta tirk ame kerdene, la belê binê çimderî û kontrola Gladio de pêk ame.
Merdim nêeşkeno tenê vaco dewleta tirk komkiştiş pêk ardê û xelas.
Bêguman îtîya de rola Fransa zî esto.
Fransa zî şîrîkê na komkiştişî yo.
Heta ka Fransa na yewe eşkera nêkero, do Fransa zî zey dewleta tirke sucdar bibo.
