Sterk TV – Zindi, Canli, Live, Kurdî, Kurmancî, Soranî, Zazakî, Dimilkî, Hewramanî, Kurdistan
Nûçeyên Dawî

Leyla Guven: ”Wextê sikitayisê tecrîdî û azadîya Rayver Apoyî yo” 06.11.2020

 

Hemseroka Kongreya Civatê Demokratîkî Leyla Guvene derheqê Çalakîyanê seba Rayver Apoyî de Jinnewse rê qisey kerd.

Leyla Guvene çalakîya grevê veyşanîye ya serra 2018’ine viste vîrî û vat.

Êdî wextê bi temamî şikitişê tecrîdî û azadîya Rayver Apoyî yo.

Verva tecrîdê ro ser Rayver Ocalanî, Hemsereka KCD Leyla Guvene di 8’ê Mijdara 2018’ine de dest bi çalakîya grevê veyşanîye ya bêwext û bêdoragêrayî kerd.

Welat û teberwelatî de bi hezaran kurdîy tewrê na çalakîya pîle bîy.

30 giroteyê PKK û PAJKe êy zîndanan çalakîya grevê veyşanîye ro roceyê mergî açarna.

Di pêvajoya çalakîyan de 9 Kudistanijîy şehîd bîy.

Çalakîye bi vengdanê Rayver Apoyî roca 200’î de bi peynî bî.

Hemsereka KCD Leyla Guvene derheqê na pêvajoye û rewşa sîyasî ya Tirkîye de Jinnewse rê qisey kerd.

Leyla Guvene nêy vatîy.

Xetemîyayişêko pîl yo sîyasî est bi. Êrîşanê verva Kurdan heme beşanê Kurdistanî de dewam kerdê.

Rayver Apo sero tecrîdêko giran ameyêne domnayene û agagîye nîyameyêne girotene.

O wext ez Zîndanê Amede de bîya û min bi tesîrê ey mekanî zî qerarêke da.

Wexto ke merdim qerarêke bigero mekan zî ro merdimî tesîr keno.

40 serrîy verîya a roce kewtîy vîrê min ke di êy zîndanî de çi qewemîya bi.

Êy dêsanê zîndanî Şahidîya kamco qewemîyayişan kerdbi û helwesta Sakîne Cansize çi bî.

Xoverdêrîya Kemal, Xeyîr, Mezlûm, Ferhat,Eşref, Mehmût û Necmîyan senîne bî.

Leyla Guvene na pêvajoya ke 9 ciwanêy kurdîy şehîd bîy de nêy ardîy ziwan

Serkewtiş serkewtişê yê 9 kesan bi.

Wezîrê Edaletî seba ke 82 mîlyonîy bihesîye vat ” Qedexeyê pêdîyişanê pawitoxan bi Ocalanî reyde bi peynî bîyo û pawitoxî şikenê şêrê Îmralî”

Na eşkerayî seba ma muhîme bî. Dime ra pêdîyişîy amey destpêkerdene. Bi vengdanê Birêz Ocalanî ma peynîye ro çalakîya xo arde.

Leyla Guvene eşkera kerd ke Îmralî de pergalêka ke di tu hiqûqêkê dinya de çîn ya, yena pêkardene û wina dewam kerd.

Îmralî de hiqûqo ke est o zî yeno binlingkerdiş.

Sazî û dezgeyê mîyanetewî zî bi goreyê menfîetanê xo têgeyrenê.

CPT tenê eşkerayîyan dano la belê na rewşe tenê bi eşkerayîyan nêbena û nîna çareserkerdene.

Leyla Guvene bale ante ro ser verkêşîya cînîyan ya di çalakîyanê seba şikitişê tecrîdî û wina dewam kerd.

Êdî tehamulê ma nêy tecrîdî rê nêmendo û êdî wext ameyo ke Rayver Ocalan bi awayêko azad di mîyanê şarê xo de bo. Êdî wext wextê azadîye
yo.

Ev jî hatin dîtin

Kêliyên krîtîk ên Komploya 9’ê Cotmehê -I

Stêrk Tv

Kalkan: Pêşî li 15’ê Sibatê dikarîbû bihata girtin

Stêrk Tv

Komîteya KJK’ê: Wê nekaribin pêşî li şoreşa jinan bigirin

Stêrk Tv

Gelo OPCW li hemberî Kurdan e?

Stêrk Tv

Qirkirina jinan

Stêrk Tv

Ji Zagrosan awazek tê

Stêrk Tv