ÇALAKIYÊN LI DIJÎ KOMPLOYA 15’Ê SIBATÊ
LI CÎHANÊ LI DIJÎ KOMPLOYÊ BÊ RAWESTAN ÇALAKÎ
Kurdistanî û dostên kurdan li dijî komploya navnetewî li qadan in.
Ji ber tevdîrên Covid-19´ê îsal teqwîma çalakiyan hinekî cihê hatiye diyarkirin.
Derbarê çalakiyên li Ewropayê Hevserokê KCDK-Ewropayê Yuksel Koç agahî dan.
Yuksel Koç diyar kir ku çalakî wê heta 15´ê Sibatê bê navber dewam bikin û got:
Em weke KCDK-E, hem di çarçoveya pêngava azadiyê û hem jî bi rasthatina salvegera Komploya Navneteweyî li seranserê dinyayê çalakiyan li dar dixin. Heta 15´ê Sibatê çalakiyên me wê bê navber dewam bikin.
Meşên dirêj ên ciwan û enternasyonalîstan, îsal ji ber tevdîrên pandemiyê wê li dar nekevin.
Lê li şûna wan çalakiyên ciwan û enternasyonalîstan hene.
Ji 5 heta 13´ê Sibatê, ciwanên Kurd û enternasyonalîstên li Almanyayê wê çalakiyan li dar bixin.
Meşa ciwanan wê bi mîtînga sibe ya li Hanauyê dest pê bikin.
Di vê çarçoveyê de 9 rojan, her roj li bajarekî din wê çalakî hebin.
5´ê Sibatê, li Hanauyê piştî bibîranîna 9 ciwanên di êrişa nijadperest a par de qetilkirî, wê mîtîngek li navenda bajêr bê lidarxistin.
Her rojê wê li bajarekî Almanyayê çalakî werin lidarxistin û 13’ê mehê jî wê li Feîburgê mîtîngekê girseyî were çêkirin.
Li aliyê din li seranserê Ewropayê wê meşên ji bo sê rojan werin organîzekirin.
Îsal wê li gelek welatan kitêbxaneya seyar a Rêber Apo bigere. Ji bo vê, 22 otobus li seranserê Ewropayê, li Kanada û Awusturalyayê bigerin.
Kitêbxaneya seyar a Rêber Apo li bajarê Almanya Bremenê dest bi gera xwe kir. Otobos li Oldenburgê ye. Otobus 5’ê sibatê wê biçe Hamburgê û bi mîtîngekê wê gera xwe bi dawî bike.
Ji bo protestokirina bêbextiyê, 13´ê Sibatê li seranserê dinyayê wê çalakî hebin.
14´ê Sibatê bi pêşengiya ciwanan wê meşên bi meşaleyan bên lidarxistin.
15´ê Sibatê jî bi pêşengiya TJK-E´yê li ber konsolosxaneyên Tirk û Emerîkî wê çalakî bên lidarxistin.
Koma Xebatê ya ji bo Kurdan a Efrîkaya Başûr û Konfederasyona Sendîkayan a Efrîkaya Başûr bi daxwaza azadiya Abdullah Ocalan kampanyaya şandina nameyan dane destpêkirin.
KCDK-Ewropa wê bi awayekî çalak destekê bide vê kampanyayê da ku xelk nameyan ji Neteweyên Yekbûyê re ji bo azadiya Rêber Apo bişîne.