Li ser wesyeta Ebu Mehdî Mihendisî, Heşdî Şeebî li Kerkûkê baregehek leşkerî vekir.
Desteya Bakurî ya Heşdî Şeebî li nava balafirxaneya Kerkûkê, baregehek leşkerî ,bi navê Ebu Mehdî Muhendisî vekir.
Di merasîma vekirinê de taburek leşkerî ya Heşdî Şeebî a bi navê Ebu Mehdî Muhendisî dewreya xwe ya perwerdeyê temamkir û li Kerkûkê hate erkdar kirin.
Di derbarê vekirina baregeha leşkerî de, yek ji rêveberê peywendiyan yê tabura Bakurî ya Heşdî Şeebî Elî Huseynî ji Rojnews re axivî û got; “Beriya ku Ebu Mehdî Muhendis were kuştin, diyarkiriye ku divê baregehek leşkerî a taybet a Heşdî Şeebî ji bo Kerkûkê were vekirin. Li ser daxwaza wî îro jî ev baregeh hate vekirin.”