LI ŞIRNEX Û GEVERÊ 4 ESKERÊN ARTÊŞA TIRK A DAGIRKER HATIN KUŞTIN. GERÎLA LI GEVERÊ KETIN ÇEPERÊN ESKERAN Û CEBILXANEYA WAN RAKIRIN
Bihar hat.
Gerîla ket tevgerê.
Bi taybet Bihar ji bo gerîla demsala tevger û çalakiyan e.
Agahiyên çalakiyê vê carê jî ji Şirnex û Geverê hat.
Gerîlayan li hevan her dû deveran li dijmin dan.
4 leşkerên artêşa tirk a dagirker hatin kuştin.
Îca li Geverê Gerîla ketin çeperên eskeran û cebilxaneya wan rakirin.
Navenda Ragihandin û Çapemeniyê ya HPG’ê têkildarî çalakiyên gerîla yên li herêma Cûdî a Şirnexê û navçeya Colemêrgê Geverê agahî dan.
Li gorî daxuyaniyê;
Hêzên gerîla di çarçoveya pêngava Tolhildanê ya şehîd Medya Mawa û Rizgar Gever de roja 22’ê Nîsanê li dijî eskerên di navbera gundê Gabarê û qada Suwara ya herêma Cûdî bi cih bûbûn çalakî kir.
Di encamê de eskerek hat kuştin.
Roja 23’ê Nîsanê jî hêzên gerîla di çarçoveya pêngava Şoreşger a şehîd Bager û şehîd Ronya de li eskerên artêşa Tirk ên li girê şehîd Derman a navçeya Colemêrgê Geverê bi cih bûbûn dan.
Gerîlayan ji du milan ve li kozikên dagirkeran dan û 3 esker hatin kuştin.
Hêzên gerîla piştî çalakiyê ketin kozikên eskeran û cebilxaneyên wan çekeke otomatîk a BKC, yek çeka MPT-76 a piyadê û Dragunov ango Qenasêk û dûrbîna wê rakirin.
HPG’ê ragihand, di van çalakiyê de ti zirar û ziyan negihiştiye hêzên wan.
Navenda Ragihandin û Çapemeniyê ya HPG’ê li ser êrişên hewayî yên artêşa Tirk jî ev agahî dan.
Roja 23’yê Nîsanê alafirên şer qada Werxelê ya herêma Avaşînê, qada Çemço ya herêma Zapê û qada Şehîdlikê ya herêma Metîna bombe kir.
