Mamosteya muzîk ya Komeleya Çand û Hunere ya Dîcle ya Amede û muzîkjen Mizgîn Yildirim nika bi sebebê şopaya corona, dewa xo Nenyase ya Licê ya Amede de nêy 4 aşmî yo, bi ca bîya.
Roja ewil ra heta nika, bale domanan ancena.
Mizgîn Yildirim dersê ziwanê Kurdî û muzîke dana domanan.
Perwerdeya alfabeya Kurdî, nota, rîtma xozayî û deyran dana…
Mamoste Mizgîn bi domanan reyde vîdeoyek mîyan xoza de bi rîtmanê xozayî hedire kerd…
Mamoste Mizgîn derheqê perwerdeyîya domanan de nêy vatîy:
“Ez dewe de kewta mîyan cigêrayîşî û min xo da cipersayîşî. Na pandemî bi sebeb ke ez şirê dew û raştîya xo biveyno. Û ez agêraya raştîya xo.
Nêzdî aşmeke yo ez perwerdeya tîp, rista û çekuyê Kurdî dana domanan.
Ma kayan zî kaykenê.”
Mamoste û muzîkjen Mizgîn Yildirime
“Domanî bi raştî wazenê her roj perwerde biveynê. La ma çend domanan rê benê hedkar? No persayîşeke muhîm o.”
Mizgîne da zanayene ke, nika nêzdî 13 doman dormeya ya de kom benê û her ke şino domananê dewanê bînî zî wazenê tewrê înan bibê.
Mamoste Mizgîn vat ke, nifşê newe çanda û ziwanê xo baş nêzanê û wina dewam kerd:
“Tenê ziwanê xo ey xozayî zanê. No zaf başo, la qîm nêkeno. Gere di asta perwerde, nuştiş û wendişî de zî bizanê. ”
