PÊNGAVA ‘DEM DEMA AZADIYÊ YE’
MECLISA CIWANÊN STENBOLÊ JI BO AZADIYA RÊBER APO MEŞIYAN
Meclîsa Ciwanan a HDP’ê ya Stenbolê ji bo destekê bidin berxwedana greva birçîbûnê li Stenbolê çalakî li dar xistin.
Ciwan li navça Sancaktepeyê, li ser dîwaran nivîsa “Tecrîdê bişkîne, azad be, deng bide greva birçîbûnê,li dijî tecrîdê berxwebide” hat nivîsandin.
Ciwanan li kolanên Arnavutkoyê jî li gelek kolanan pankart daliqandin.
Li gelek navçan, nemaze li Arnavutkoy û Okmeydanı, ciwanan ji bo protestokirina tecrîdê bi meşale û fîşekên agir meşiyan.
Ciwanan bi belavokan xelkê Stenbolê ji bo çalakiya ku di 21’ê çileyê de li Kadikoyê were lidarxistin jî vexwendin.
Welatiyên derdorê jî, bi çepikan, piştgirî dan meşa ciwanan.
ÊRIŞÊN QIRKIRINA SIYASÎ
POLÎSAN AVÊT SER GELEK RÊXISTINÊN HDP’Ê YÊN NAVÇEYÊN STENBOLÊ
Li aliyê din polîsên hikûmeta tirk ku xwe li van êrişan negirtin bi telîmata wezareta karê hundir bi ser rêxistinên HDP’ê yên navçeyên Stenbolê de girtin.
Rêxistinên HDP’ê yên navçeyên Stenbolê ji bo balê bikşînin ser çalakiya grevên birçîbûnê bi avahiyên xw eve pankartên “Deng bide grevên birçîbûnê” daliqandine.
Polîsan bi hinceta pankartan bi ser rêxistinên HDP’ê yên navçên Bagcilar, Umraniye, Sancaktepe, Esenyûrt, Beylîkduzu, Sûltangazî, Beyoglû, Kagithane, Gazîosmanpaşa, Esenler, Uskudar, Kartal, Maltepe, Gungoren û Şîşliyê de girtin.
Polîsan hevserokên HDP’ê yên navçeyan jî binçav kirine û ji bo îfadeyê wan birine qereqolên navçeyan.
