Hiqumatê AKP-MHP binê nameyê peyzacî de, êrişê Çimeyê Awa Munzîrî kerd..
Sazîy, komel û heme şarê Dersîmî verva êrişê Talanî Çimeyê Munzurî vecîya û vecîyeno..
Dozgerê Dewlete derheqê 81 kesan de cipersîyayiş da dest pê kedene..
Projeyê talanî êy çimeyanê Mûnzûrî dewam kenê.
Faşîzmê AKP-MHP bi xerepnayişê çimeyanê Mûnzûrî wazeno, oca bikerê cayê rantî.
Şarê Dersime û sazîy û dezgeyan verva projeyanê rantî nêrazîbîyiş nawite.
Dozger û Mehkemayê Îqtîdarî zî zêy înan qerarê sosretan danê.
Dozgerê Dersime di cayo ke derheqê talankeran de cipersayiş bido destpêkerdiş, derheqê kesanêy ke verva talanî vecîyenê de doze akerde.
Dozgerê Qisleye, Hemserokê Rayvistina HDP yê Dersime Îbrahîm Kasûn, Hemşaredarê Perî Orhan Çelebî, Şaredarê Dersime Fatîh Mehmet Maçoglû, serokê Baroya Dersime Kenan Çetîn û xeylê temsîlkarê sazî û dezgeyanê civatîyanê bînî zî mîyan de, derheqê 81 kesan de, doza akeno..
Serokê Partîya Emep Ergîn Tekînî, Serokê Baroya Dersîmî Kenan Çetîn, Rayirberê Komala Munzur û Dormeyî Ozkan Aslanî,Hemşaradarê Perî Orhan Çelebîyî derheqê cipersîyayişê Dozgerê Dewlete de ney vatîy, Hiqumat êrişê xozaya ma keno. Hiqumat vano,wa herkes heme kerdinanê ma ra bê veng bimano.
La Şarê Dersîmî nê kerdişan vero vecîyeno û polîtîkayanê Hiqumatî qebul nêkeno. Dozgerî zî wazenê bi ceza şarîy tehdîty bikerê. Dozger û Hiqumat sîyasetêko çawt verva Dersîmî de rahara benê. Ma nê sîyasetê Hiqumatî qebul nêkenê. Ma nêwazenê kes karişê xozaya Dersîmî bibo.
