RAYEDARÊ BERÊ YÊ PENTAGONÊ MICHAEL RUBIN:
PROPAGANDAYA TIRKIYÊ YA LI DIJÎ BAKUR Û ROJHILATÊ SÛRIYÊ DEREW E
Pênaseya terorê herî zêde li Tirkiyê te..
Ev gotin, ya şewirmendê berê yê Pentagonê û lêkolîner Maykil Rubin e.
Rubin dibêje, hebûna PKK’ê ya li nava ‘lîsteya rêxistinên terorê’ divê ji nûve were nirxandin.
Her wiha destnîşan dike ku propagandaya Enqerê ya li dijî Bakur û Rojhilatê Sûriyê jî, ji derewan pêk tê.
Êdî her kes dizane ku dewleta Tirk dewleteke kujer û qirkere.
Ne tenê li dijî gelê kurd niha li deverên cûda rojane kiryarên qirêj û sûcên li dijî mirovahiyê pêk tîne.
Derbarê hovîtî û polîtîkaya dijmnahiyê ku dewleta Tirk belav dike, şewirmendê berê yê Pentagonê û lêkolînerê Enstîtuya Amerîkan Enterprise (ENTIPRAYZ) Dr. Michael Rubin (MAYKIL RUBÎN) ji North Press Agency re axivî.
Rubin destpêkê xwest, ku Dewletên Yekbûyî yên Emerîka têkiliyên xwe yên bi Tirkiye û Kurdan re ji nû ve binirxîne û bang kir ku sûcbariya ‘terorîzmê’ a li himberî PKKê ji nû ve di ber çavan re derbas bike.
Rubin destnîşan kir, ku agahiyên Tirkiyê bi salan têkildarî PKK’ê pêşkêşî Emerîka kirine hemû derew û sexte ne.
Michael Rubin got, “Endamê NATO’yê be yan jî nebe, pênaseya sponsoriya terorê ji PKK’ê bêhtir li Tirkiyeyê tê.”
Li aliyeke din, Rubin diyar kir ku karên rêveberiya xweser a li Bakur û Rojhilatê Sûriyê, nîşan dide ku propagandaya Tirkiye bi salane dike derew e.
Her wiha Rubin bal kişand ser rola Nûnerê Taybet ê Trump ê ji bo Sûriyeyê, James Jeffrey (JEYMIS JEFRÎ) a di dagirkirina Girê Spî û Serêkaniyê de.
Michael Rubin destnîşan kir ku Jeffrey gelek caran bi Tirkiyê re ketiye nava têkiliyên qirêj û xizmeta dagirkeriya wê kir.
Rûbin der barê James Jeffrey de wekî din ev nirxandin kir:
“Nûnerê Taybet ê Trump ê ji bo Sûriyeyê James Jeffrey ne tenê lampeya kesk ji qirkirina etnîkî re vêxist, di heman demê de derfet da Erdogan ku sînorên Tirkiyeyê biguherîne.”