Fermandarê Qerargeha Navendî ya NPG Mûrat Karayilanî derheqê hemleya KCK û mijaranê rojdeme de, Radyoyê Dengê Welatî rê qisey kerd.
Karayilanî vat; Do gêrîlla verkêşîya hemeleye bikero û gere hêzêy pawitişê civatî zî civatî bi rayvistin bikerê.
Fermandarê Qerargeha Navendî ya Hêzanê Pawitişê Şarî HPG Mûrat Karayilanî di radîyoyê Vengê Welatî de, Heleya KCK û mijaranê rojdeme sero qisey kerd.
Karayilanlî vat;
Di hereme de şerrê Cîhanî yê 3’ine yeno cuwîyayişî. Her kes hedreyîya hemesengîyêka newîye keno. Kurdîy zî hewl danêy ke di mîyanê na hemsengîye de ca bigerê. La dewleta tirke wazena vernîye ro naye bigero. Bi no sebeb zî verva kurdan sîyasetê qirkerdiş û çinêkerdişî, domnena.
Di na çarçova de, verva êrîşanê dewleta tirke 6 serrêy peyênan de xoverdêrîyêka pîle yena dayene. No şerr ewro kewto qonaxêko newe û wina dewam kerd.
“Di serdemêko winayin de, nameyê heme hereketê ma sero îlankerdişê hemleyêka winayine ya KCK yî, zaf muhîm o. Do verkêşîya hemleye, hetê Gêrîllayî ra bêro kerdene û hêzê pawitişê sivîlîy zî do rayvistinîya şarî pêk bîyarê”.
Karayilanî vat; Mexsedê na hemeleye, bicaardişê azadîya Rayver Apoyî û civatî yo.
No zî mexsedo tewir pîl yê gêrllayî yo. Ma bawer kenê, ke heme têreyde û bi heme hêza xo ro hemleye wayir bivecîyê, do hemle bi ser bikewo.
Karayilanî derheqê 10’ê Citmenge Roca Ocalanî rê Azadî ya Cîhanî de zî wina vat.
Na roce seba ma zaf bimehne ya û ez bawera ke di na roce de, do her kes bi goreyê mehneyê roce tê bigeyro.
Mûrat Karayilanî derheqê Tecrîdê verva Rayver Apoyî de zî nêy ardîy ziwan.
“Heta ke pergala Îmralî nêro perçekerdiş, persgiray Kurde û demokratîkbîyişê tirkîya zî çareser nêbena. Azadîya Rayver Apoyî û azadîya şarê Kurdî cêra nîna qutkerdene. Gere heme dormey, bi na heşmendîye tewrê çalakîyanê 10’ê Citmenge êy “Rayver Apoyî rê Azadî”bibê”.
Karayilanlî vatiş ard êrîşanê qirkerdişê sîyasî êy verva HDP ser û nêy vatîy.
“Serrewedartişê 6 û 8’ê Citmenge, di tekoşîna azadîya Kurdistanî de rocêy muhîm ê. Sûcdarê provakasîyonê nêy rocan, MÎT û hêzêy tarî êy dewleta tirke yê.
Êrîşê verva HDP, bi sebebê nêy serrawedartişan nê, bi sebebo ke penîya nêy serrewedartişan û tekoşîna Kobanê DAÎŞ’î yo. Faşîzmê AKP-MHP, heyfa DAÎŞ’î HDP ra geno.
Sebebêko bîn yê nêy êrîşan zî tersê Hemleya KCK yo. Wazenê bi naye şarî hemeleye ra dûrî bifînê.
Fermandarê Qerargeha Navendî yê HPG Mûrat Karayilanî di peynîya qiseykedişê xo de vatiş ard îddîayanê dewleta tirke ke 300 gêrîllayê HPG şîyê şerrê Qerebaxe de zî nêy ardîy ziwan.
Na bi temamî zûr a. Dewleta tirke seba ke şirawitişê çeteyanê xo bilûmno na propogandaya zûran daya destpêkerdene. Na propogandaya zûre hetê heme dinya ra zî yena zanayene.
