Endamê Konseya Rayirbere ya KCK yî Mûstafa Karasû, tewrê “Bernameyê Ulkeden” yê Medîya Hebere bi û mijaranê Rojdeme sero qisey kerd.
Mustafa Karasûyî bale ante tecrîdê Rayver Apoyî ser û vat:
“Faşîzmê AKP-MHP rayirberdoxa ewroyî, ya pergala 12’ê Îlone ya.”
Endamê Konseya Rayirbere ya KCK yî Mûstafa Karasû, di serre de derrbeya 12’ê Îlone sero vindert û di serragêrayîya şehadetê înan de, Kemal Pîr, Xeyrî Dûmûş, Akîf Yilmar û Alî Çîçek bi vîr ardîy.
Karasûyî vat; faşîzmê AKP-MHP, şopdarê faşîzmê 12’ê Îlone yo û wina dewam kerd.
“Serdemê şerrê serdinî de, emperayalîzm bi nameyê ” xeta keske”, Îslam bi kar ard. Derrbeya 12’ê Îlone, seba ke tekoşîna Kurde çinê bikero, Îslamo sîyasî mîyanê dewlete de bi ca kerd. Faşîzmê AKP-MHP zî, rayirberdoxa na pergala ya ewroyî ya.
Karasûyî, derheqê alozîya Rochelatê Mîyanênî, tecrîdê verva Rayver Apoyî de zî wina vat.
“Verîya ke Emrîka mudaxeleyê Rochelatê Mîyanênî bikero û dîzaynê neweyî pêk bîyaro, waşt tesîrê Rayver Apoyî orte ra wedaro. Çimkî kurdo azad yo bi felsefeya Rayver Apoyî, di vernîya ney dîzaynî de kelem bi û gere vernîye ro ci biamebêne girotene.”
Mûstafa Karasûyî, derheqê tecrîdî de zî vat; No tecrîd tenê verva Rayver Apoyî nîyo û wina dewam kerd.
“Tekoşîna ma, gere êdî verva tecrîdî nê, seba Azadîya Rayver Apoyî bo. Verkêşa dişmentîya verva Şarê Kurdî zî, verkêşa astengkerdişê çareserbîyişê persgirayanê Rochelatê Mîyanênî zî, Dewleta Tirke ya. Heta ke Dewleta Tirke nêbo dewletêka demokratîke, persgira û alozîyê Rochelatê Mîyanênî zî, çareser nêbenê.”
Karasûyî,dergeqê îşgalkerîya dewleta tirke de vat,Rejîmo qirker yê dewleta tirke seba ke vernîye ro têkşîyişê xo bigero êrîş keno û wina dewam kerd.
“Verva Têgêraîyişê Azadîye plana tasvîye ya Emrîka/AKP û PDK di merîyete de ya. PDK paştîye dana na plana Dewleta Tirke. Seba ke na hetkarîya xo ya bi dişmenê Şarê Kurdî reyde bilûmno zî, PKK’yî zê sebebê êrîşanê Dewleta Tirke, nîşan dana û êrîşanê înan rewa kena. Ya ke yena waştişî, bi temamî tasfîyekerdiş o, la êy do bixo tasfîye bibê.”
Karasûyî rolê PKK’yî yo di awankerdişê statûya Vaşûrê Kurdistanî sero zî wina vat.
“Heke hemleya ma ya 1’ê Hezîrana 2004’ine nêbayêne se, federasîyona Vaşûrî nîyameyêne naskerdene. Wexto ke DAÎŞ’î êrîş kerd, Hewlêr ame vengkerdene. Badê vernîgirotişê ro DAÎŞ’î yê PKK’yî, Barzanî kêawanîya xo arde ziwan û vat, Tirkîya hetkarîye nêda ma. Gêrîllayan bi awayêko fedaîyane şîy Şengale û berê Hewlêre, DAÎŞ’î rê pa da.”
Endamê Konseya Rayirbere ya KCK’yî Mûstafa Karasûyî vatiş ard Şengale ser û vat;
“PDK ya ke Şengale destê çeteyanê DAÎŞ’î de verda behsê kamco statûye kena? Nika wazena partîyê bînîy êy kurdan zî, tewrê sîyasetê xo yê tasfîyekerdişê PKK’yî, bikero. Ma nêy polîtîkayanê PDK baş nas kenê. Gere nêy polîtîkay bêrê bipeynîkerdene.”
