Endamê Konseya Rayirbere ya KCK yî Mûstafa Karasû, tewrê Bernameyê Ulkeden yê Medya Habere bi û derheqê polîtîka û pergala tecrîdî ya verva Rayver Apoyî de qisey kerd.
Mustafa Karasûyî vat;
“Êdî CPT nêeşkena xo verpersîyarîya pergala tecrîdî ya Îmralî ra bixelesno û ro na pergale wayir bivecîyo.
Reyna qedexekerdişê çalakîyanê verva tecrîdî êy Rayirberîya Vaşûrî nînê qebûlkerdiş.”
Endamê Konseya Rayirbere ya KCK yî Mûstafa Karasû tewrê Bernameyê Ulkeden yê Medya Habere bi û derjeqê Pergala Îmralî de,qisey kerd.
Karasûyî vat;
Îmralî de verva Rayver Apoyî, şerrêko psîkolojîk û sîyasî yeno rayirberdiş. Îmarlî de pargalêka îşkenceyî, ke xo arznena ra şerrê taybet yê psîkolojîkî est a. Na pergala şerrê psîkolojîk û taybetî, 22 serrîy o dewam kena.
Karasûyî derheqê CPT de zî nêy vatîy.
“CPT ya ke şirîkanê pergala Îmralîyî ra ya zî, êdî nêşikena ro na pergale wayir bivecîyo. CPT sazîyêka Konseya Ewropa ya. Pergala Îmralî zî di esasê xo de hetê Ewropa, Tirkîya û Emrîka ra ameya awankerdiş û yena rayirberdene”.
Karasûyî, xoverdêrîya 2019’ine ke bi sebebê şikitişê tecrîdî amey rodarvistiş, vistîy vîrî û nêy vatîy;
Badê na xoverdêrîye, Hêzanê demokrasîyî, rayirberanê partîyan,wezîrê Edaletî û heta Bahçelîyî zî vat, pêdîyişîy şikenê pêk bêrê.
Di raştîye de, bi naye bêhiqûqî û sîyasetê tecrîdî yo verva Rayver Apoyî, ro xo mikûr ameyêne.
Nika reyna tecrîd yeno girankerdene. Na rewşa nikayine, raşteraşt bi Hemleya “Wext Wextê Azadîye yo” reyde giredaye ya.
ENDAMÊ KONSEYA RAYIRBERE YA KCK’YÎ MUSTAFA KARASÛ
“VERVA RAYVERTÎYÊKA KE HEME DINYA RO CI WAYIR VECÎYENA, ÊRÎŞÊKO BÊEMAN EST O”
Mûstafa Karasûyî nêy nizdbîyiş û pêkardişanê provakatîfan, ke wazenê bi înan tesîr û rolê Rayver Apoyî bişiknê sero zî nêy vatîy.
“Agahîyê bi ney rengî, ma reyde est ê. Tay dormey wazenê, tesîrê Rayver Apoyî yê civatî sero bişiknê. Rayirberê şerrê taybet û qilêrinîy seba pêkardişê naye, di mîyanê rogêrayiş û xebatêy pîlan de yê. Wazenê di mîyanê civatî de tay deredut û fikaran pêk bîyarê”.
Karasûyî wina dewam kerd;
Nêy heme polîtîkaya nîşan danê ke verva Rayver Apoyî bi awayêko zaneye û plankerde şerrêko taybet yeno domnayiş.
La 10’ê Citmenge “Roca Ocalanî rê Azadî ya Dinya” de seranserê Cîhanî de seba Rayver Apoyî çalakîy est bîy.
Bi nêy çalakîyan ame dîyiş ke raya pêroyî ya dinya ro Rayver Apoyî wayir vecîyena.No rûmetêko pîl o.
Karasûyî derheqê qedexekerdişê Çalakîyanê seba Azadîya Rayver Apoyî de zî nêy ardîy ziwan.
“Na helwesta PDK, helwestêka sosret û îbretî ya.Nizdbîyişêko winayin, gere verva tu Rayirverêkê Kurdan, hetê tu welatpawêr,hêze û partîyêka kurde ra, nêro nîşandayiş. Raşta Şarê ma yê Vaşûrê Kurdistanî zî tekoşîne û bedêlîy day. La heke ewro tay destkewtey estê se, îtîya de rol û tekoşîna PKK yî ya bêhempa bi tu awayî nêro vîrîrakerdene”.
Ewro dinya ro rayibertîyêka winayine wayir vecîyena. Fikir û felsefeya Rayver Apoyî hêze dana heme şaranê dinya. Nizdbîyişê PDK û tay hêzanê kurdan ya di na mijare de bi tu awayî nîna qebûlkerdene.
