NAVENDA RAGIHANDINÊ YA HPG’Ê:
HEVRÊYÊN ME DESTAN Û RÊBER 11 TEBAXÊ LI WANÊ ŞEHÎD BÛN
11’ê Tebaxê li herêma Katoyê Xelîla yê girêdayî Wanê, di encama êrişa balafirên şer ên artêşa Tirk de 2 gerîllayên HPG’ê şehîd bûn.
Nasnameya herdû şehîdan îro bi raya giştî re hat parvekirin.
Navenda Ragihandin û Çapemeniyê ya HPG’ê têkildarî tevgera dagirkeriyê ya artêşa dewleta Tirk a meha Tebaxê li navçeya Wanê Şaxê daxuyaniyeke nû da..
Navendê bi bîr xist ku wan 13’ê Tebaxê li ser mijarê daxuyaniyek dabû û wiha dewam kir:
11’ê Tebaxê piştî nîvro artêşa Tirk a dagirker li qada Kato Xelîla ya navçeya Şaxê dest bi operasyoneke berfereh kir.
Heman rojê di encama êrişa balafirên şer de 2 gerîllayên me şehîd bûn..
Têkildarî nasnameya herdû şehîdan jî Navenda Ragihandinê ev agahî dan:
Belyen Bozyîgît binasnav Destan Hazo li Batmanê ji dayîk bûye û 11’ê Tebaxê li Şaxê şehîd bû.
Nasnav: Destan Hazo
Nav paşnav: Belyen Bozyîgît
Cihê jidayikbûnê: Êlih
Dayik-Bav: Lutfiye-Mehmet
Dem û cihê şehadetê: 11’ê Tebaxa 2020 / Wan
Mûrad Şîpal binasnav Rêber Mordem li Wanê ji dayîk bûye û 11’ê Tebaxê li Şaxê şehîd bû.
Nasnav: Rêber Mordem
Nav paşnav: Mûrat Şîpal
Cihê jidayikbûnê: Wan
Dayik-Bav: Feyrûz-Huseyîn
Dem û cihê şehadetê: 11’ê Tebaxa 2020 / Wan
Navenda Ragihandin ya HPG’ê di daxuyaniya xwe de li ser jiyan û têkoşîna herdû şehîdan jî ev nirxandin kir:
Hevrêyên me Destan û Rêber li dijî polîtîkayên bênasnemehiştin û qirkirina gelê Kurd rabûn û bi rengekî çalak tevlî xebatên ciwanên bûn.
Wan têkoşîna xwe gihand asteke bilindtir û berê xwe dan çiyayên Kurdistanê..
Ji bo bibin gerîlayên serketinê kedeke mezin dan û bi rola pêşengiyê rabûn.