Pisporanê Neteweyanê Yewbîyayeyan derheqê Ebru Tîmtîke de eşkerayîye daye.
Neteweyanê Yewbîyayeyan vat, hikumeta tirk semedî Ebrû Tîmtîk çîyo ke hewce bi nêkerd û veng ro selahîyetdaranê Tirkan da ke hesab bidê.
Derheqê pawitox Ebru Tîmtîk ke rojeyê 238’ine ya rojeyê mergî de bi waştişê hukmkerdişê edîlî şehîd bî, xeylêk pisporanê Konseya Heqanê Merdiman a Neteweyan ê Yewbîyayeyan eşkerayîyêke daye.
Eşkerayî hetê 13 raportoranê Neteweyan ê Yewbîyayeyan ra amî îmzekerdiş.
Eşkerayîye de ame parekerdene ke dewleta tirke eşkîyayêne verê mergê Ebrû Tîmtîke bigêra û vat:
”Seba heqê hukmkerdişê edîlî ganî çew nêmiro. Hukmkerdişo têdûşt heqêko bingeyî yê merdimîye yo. ”
Pisporan wina dewam kerd:
”Tepiştişê pawitoxan ra dima, nameyê pisporanê heqanê merdiman ê Neteweyan ê Yewbîyayeyan ser o ma hukmatê Tirkîya ra waşt ke sûcdarî û sebebê qanûnî yê tepişîyayîşê înan eşkera bikero.
Derheqê babete de selahîyetdaranê hukmatî cewab da ma, la seba vergirewtişê mergê Ebru Tîmtîk hukmatî çiyo ke hewce keno, nêkerd. ”
Pisporan venga hukmatê Tirkîya da û vat:
”Ma venga selahîyetdaran danê ke prosesê hesabdayîşî bidê destpêkerdene.
Ma venga hukmatê danê ke dewayanê avûkatan newe ra bidê destpêkerdene û krîterê hukmkerdişê têdûştî bîyaro ca.
Ganî hukmat merdimanê ke bi hawayêkê neheqî tepişîyayî, vera bido.”