Artêşa Tirke Wan de bi Osman Şîban û Servet Turgut îşkence kerd.
Osman Şîban ke amebi îşkencekerdiş û helîkopter ra amebi eştiş bi ambulanse berd Mersîne.
11’ê Îlonî de Eskeranê Artêşa Tirke Dewicanê qezaya Şaxa Wan ra Osman Şîban û Servet Turgut girewtê binçiman.
Badî zî eskeran bi wurdî dewican zî îşkence kerd û ey helîkopterra eştê war.
Osman Şîban ke îşkence ro ci amebi kerdiş û badê dermankerdişê nêweşxaneyî şibi keyeyê xo.
Polîs û eskerîy şîy keyeyê Osman Şîbayî û bi telîmatê serdozgerê Wanî,bi darê zore yo rakerd nêweşxaneyê eskerî.
Bi sebebo ke hema heş nîyameyo serreyê Osmanî,Osman nêşikeno qisey bikero.
Bi goreyê çimeyanêy ke hereme ra agahîyan danê seba ke Osman Şîban derheqê hovîtîye de qisey nêkero,Esekran yo berdo nêweşxaneyê eskerîye..
La emşo şew Dewlete bi ambulansêk Osman Şiban berd bajarê Mersînî..
Heto bînra Walîyê Dewlete yê bajarê Wanî eşkera kerde bi û vatbi, Osman Şîban û Servet Turgut verya ku ameyê binçimkerdişî remayê û zinaranra erzîyayê war.
Birayê Osmanî Cengîz Şîban Walîyê Dewlete zurker veceno û vano:
“Ez şahîdê wextê binçimkerdişî ya.
Eskeran birayê min Osman û dewicê ma Servet teberê dewe ra ardî mîyanê dewe.
Dewican heme Osman û Servet dîy.
Wurdî zî saglem bîy.
La eskeran bi Osman û Servetî îşkence kerdo û yê helîkopter ro eştê war.
Walîy hewldano serê îşkencî bi temerno.
La ma na mesela ra fek nêverdenê.”
