Tewrê ke Rayver Apo no mijare sero eşkerayîyanê muhîm day, Swêd PKK verpersîyarê kiştişê Serokwezîrê Swêd Olof Palme dîy.
Dehwa ame padayene û eşkera bi ke Kurdîy û PKK kiştişê Palmeyî ra verpersîyar nîyê.
Parlamenterê Partîya Çep ya Swêd û Vervatoxê Polîtîkaya Teberî Håkan Svennelig da zanayene ke, înan do mijara vetişî PKK ro lîsteya terorî kirişnê parlamentoya Swêd û Yewîtîya Ewrupa.
Parlamenterê Partiya Çep ua Swêdê û Vervatoxê Polîtîkaya Teber Håkan Svennelig da zanayene ke, padayîşî dehwaya kiştişê Serokwezîr Olof Palme, do înan mijara vetişî PKK ro lîsteya terorê bikerê rojdema Swêd û Yewîtîya Ewrupa.
Håkan Svennelîg vist vîrî ke, cipersayîşî kiştişê Olof Palme de kesanêy ke amey sûcdarkerdiş xeylê dorîy vûrîyay, rayedar pey şopanê şaş kewtê, giranî day kesan û komanê şaş ser û îddîaya sûcdarkerdişê PKK zî zey minak nawit.
Håkan Svennelîg ke ajansa ANF rê qisey kerd, da zanayene ke, gerê sazî û komeleyê Kurdan ra lêborîn bêro waştene.
Reyna Parlamenterê Partîya Çep ya Swêd bale ant malbatê Kurdîy ke raştê zextê dewlet û polîsan ser û vat:
“Şopa PKK êrîşêk verva Kurdan Swêd bi.”
Håkan Svennelîg da zanayene ke, înan do mijara vetişî PKK ro lîsteya terorî ra bikerê rojdem û vat:
“Tirkîya estbîyîşî nameyê PKK ya di lîsteya terorî de, polîtîkayanê xo ey emperyalîst kena binkeyêk. Lazimo peynîya na yewe bêro.
Ma do na yew bikerê rojdema Yewîtîya Ewrupa zî.”
Partîya Çep ya Swêd serra 2016’ine de zî di kongreya xo de, seba ke PKK lîsteya terorî ra bêro vetiş wezîfe dabîy rayverîya partîye.
