Di qada mîyanetewî de zî verva operasîyonê qirkerdişê sîyasî êy verva HDP nêzarîbîyişî amey nîşandayiş.
Vervatoxa Komîsyona Yewîtîya Ewrpoa, Partîya Çepe ya Almanîya û Parlamenteranê Parlamena Ewropa êrîşîy şermezar kerdîy.
Komîsyona Yewîtîya Ewropa nêrazîbîyiş nîşanê operasîyonê qirkerdişê sîyasî êy dewleta tirk êy verva HDP, da.
Vervatoxa Komîsyona Yeewîtîya Ewropa Ana Psîonero bi peyamêke nêrazîbîyiş ard ziwan.
Ana Psînero vat;
“Nêy kerdeneyê tirkîya xeylê doran pêk ameyê. Ma na ra ver zî fikarê xo êy derheqê pêkardişanê qanûanê antî-terorî, êy tirkîya de ardîbîy ziwan.
Fikarê ma dewam kenê”.
Hetkara Serokê Tifaqê Sosyalîst û Demokratan ya Parlamentoya Ewropa Katî Pîrî zî, operasîyon zê gamêka bîne ya dûrîkewtişê Tirkîya, Ewropa ra bi name kerde.
Katî Pîrî vat;
“Rixmê heme heşîyarîyanê Ewropa û civatê mîyanetewî zî îqtîdarê Tirkîya êrîşanê xo êy verva sîyasetmedaranê kurdan domneno. Gere gamêke raver kesêy ke ameyê binçimkerdiş, bêrî veradayiş”.
Partîya Çepe ya Almanîya Dîe Lînke, operasîyonê qirkerdişê sîyasî yo verva HDP şermezar kerd û peyama paştîdayişî da.
Hemserokanê Dîe Lînke, Brend Rîexîngerî û Katja Kîppînge êrîşê verva HDP zê binlingkerdişê hiqûqî bi name kerdîy û wina vat.
“Seba ke heme raybazê hiqûqî ameyê binlingkerdiş ma na rewşe şermezar kenê.
Bi nêy binçimkerdişan wazenê partîya muxalîfe ke verva îqtîdarê otorîterî yê Erdoganî vecîyena, bêveng bikerê.
Brend Rîexînger û Katja Kîppînge veng ro hikumatê Almanîya kerd ke tafil bikewo mîyanê hewldanan û ro tirkîya zextan bikero ke heme giroteyanê sîyasîyan verado.
Heserokan vat, ” Erdogano despot nêşikeno HDP bêveng bikero”.
Endamê Parlamentoya Ewropa yê Danîmarka Nîkolaj Vîllûmsen Jjî derheqê operasîyonê qirkerdişê sîyasî de, hesabê xo yê tweeterî ser ra nêrazîbîyiş nîşanê rewşe da û vat;
“Erdogan zextanê xo yê ro ser muxalefetê demokratîkî zêdneno. Gere Yewîtîya Ewropa bi awayêko zelal operasîyonê qirkerdişê sîyasî şermezar bikero, û seba veradayişê heme giroteyê sîyasîyan bikewo mîyanê hewldanan”.
