Sterk TV – Zindi, Canli, Live, Kurdî, Kurmancî, Soranî, Zazakî, Dimilkî, Hewramanî, Kurdistan
Nûçeyên Dawî

Pawitox Alî Aslanî xoverderîya zindanan sero qisey kerd 05.01.2021

 

Çalakîya Giroteyanê PKK û PAJK’e ya seba wedartişê tecrîdê ro ser Rayver Apoyî di roca 40’ine de ya.

Giroteyê MLKP zî bi sebebê paştîdayişê giroteyanê PKK û PAJK’e 7’ê Çeleye de, dest bi çalakîya 5 rocan kenê.

Serokê OHD ya Riha Pawitox Alî Aslanî vat;

Waşteka giroteyan hetê dewlete ra bicaardişê destûrnameya estîye ya.

XOVERDÊRÎYA ZÎNDANAN YA VERVA TECRÎDÎ
ÇALAKÎYA GIROTEYANÊ PKK Û PAJK’E DI ROCA 40’INE DE YA

Xoverdêrîya zîndanan ya giroteyanê PKK û PAJK’e ya verva tecrîdî dewam kena.

Çalakîya girevê veyşanîye ya giroteyanê azadîye ke 27’ê Mijdare de amebî destpêkerdene,di roca 40’ine de ya.

Çalakgerîy çalakîya xo bi qerardarî domnenê.

Çalakwananê grevê veyşanîye veng ro raya pêroyî û kerd ke ro xoverdêrîya zîndanan wayir bivecîyê.

XOVERDÊRÎYA ZÎNDANAN YA VERVA TECRÎDÎ
GIROTEYÊ MLKP, SEBA PAŞTÎDAYIŞÎ, 7’Ê ÇELEYE DE DEST BI ÇALAKÎYE KENÊ

Seba paştîdayişê çalakîya grevê veyşanîye ya Giroteyanê PKK û PAJK’e, giroteyê MLKP zî 7’ê Çeleye dest bi çalakîya grevê veyşanîye kenê.

Çalakîya giroteyanê MLKP do 5 rocîy dewam bikero.

Nameyê giroteyanê TKPML sero Denîz Aytacî eşkerayîyêke bi raya pêroyî reyde barre kerde.

Di eşkerayî de nêy amey vatiş.

Şarê Kurdî her wext, polîtîkayê teslîmgirotişî bi xoverdêrîya xo veng vetîy.

Ma bawer kenê ke nêy polîtîkayê tecrîd,zext, îşgal û faşîzaneyî do bi xoverdêrîyêke hembarre reyna bêrê pûçkerdene.

Ma veng ro şarê xo kenê ke di mîyanê yewîtîye de paştîye bidê xoverdêranê girevê veyşanîye û di kişta înan de ca bigerê.

SEROKÊ OHD YA RIHA ALÎ ASLAN:
“WAŞTEKA GIROTEYAN BICAARDIŞÊ QANÛNANÊ ESTEYAN O”

Serokê OHD yê Şaxa Riha Alî Aslanî derheqê çalakîya girevê veyşanîye ya giroteyanê zîndanan de qisey kerd.

Aslanî vat; Girotey seba xo çîyêkê taybetîy nê,tenê bicaardişê qanûnanê esteyan êy tirkîya wazenê.

No zî heqêko tewir rewa, heqdar û meşrû yo.

Aslanî vat; Îqtîdar qanûnanê xo êy ke bi destûrnameya binkeyîne defîyayê bin bi ewleyîye bi ca nîyano.

Tecrîdê verva Birêz Abdûllah Ocalanî ro heme zîndanan ameyo vilakerdene.

Waştekêy giroteyan waştekêy ke nêrê bicaardene nîyê.

Tenê qanûnêy estey bêrê bicaardiş, persgira çareser bena.

Gere heme muxalefet, dormeyê demokratîkî û şar ro giroteyan wayir bivecîyo.

 

Ev jî hatin dîtin

Kêliyên krîtîk ên Komploya 9’ê Cotmehê -I

Stêrk Tv

Kalkan: Pêşî li 15’ê Sibatê dikarîbû bihata girtin

Stêrk Tv

Komîteya KJK’ê: Wê nekaribin pêşî li şoreşa jinan bigirin

Stêrk Tv

Gelo OPCW li hemberî Kurdan e?

Stêrk Tv

Qirkirina jinan

Stêrk Tv

Ji Zagrosan awazek tê

Stêrk Tv