Pawitoxîy seba HDP yijanêy ke amebî binçimkerdişîy şîy Midûrîyeta Polîasan ya Enqera.
La bi sebebo ke qerarê lûmitîye dewam keno pêdîyiş pêk nîyame.
Pawitoxîr do roco dişeme îhtîraz bikerê.
Vizêrî verva HDP operasîyonêkê Qirkerdişê sîyasî ame pêkardene.
Di çarçoveya oparasîyonî de 20 sîyasetmedarîy amey binçimkerdene û ardîy Enqera.
Seba sîyasetmedaranêy ke Emnîyetê Enqera de yenê girotişî, qerarê 24 seetîy qedexeyê Pawitoxan amebi dayiş.
Bi bipeynîbîyişê wextî dir, pawitoxîy şîy emnîyet la ame vatiş ke rewşa qedexeyî dewam kena û pêdîyiş pêk nîyame.
Do pawitoxî roco dişeme bi sebebê rewşe îhtîraz bikerê.
Kesêy ke di bin çiman de yê nêy ê.
Ayhan Bilgen,Alp Altınörs,Nazmi Gür,Altan Tan,Ayla Akat Aka,Emine Ayna,Sırrı Süreyya Önder,Bircan Yorulmaz, Gülfer Akkaya, Berfin Özgü Köse, Dilek Yağlı, Can Memiş, Günay Kubilay, Bülent Parmaksız, Zeki Çelik, Pervin Oduncu, İsmail Şengün, Ali Ürkut, Cihan Erdal û Prof. Dr. Emine Beyza Üstüne.”
Perro bîn de serokê Partîya Ameyî Ahmet Davûtoglûyî bi Hemserokê HDP Mîthat Sancarî reyde bi telefon pêdîyiş pêk ard.
Bi goreyê eşkerayîya Navena HPD, Ahmet Davûtoglûyî bi sebebê Operasîyonê Qirkerdişê Sîyasî, bi rayira telefonî ro Hemserokê HDP Mîthat
Sancarî gêrayo.
Di eşkerayîya Navenda HDP de ame vatiş ke, Dawûtoglûyî di pêdîyişê xo yê bi Mîthat Sancarî reyde vato; Operasîyon hiqûqî nîyo.
Operasîyonêy ke yenê pêkardişî zirar danê tirkîya.
Mîthat Sancarî zî di pêdîyiş de vato; Nêy êrîşîy tenê verva HDP nê verva heme muxalefetî yê.
Îqtîdar seba ke têkşîyiş û verpersîyarîyanê xo bilûmno êrîşê HDP keno.
Gere hêzêy ke di tirkîya de demokrasî û aştîye wazenê di bereyêke de bêrê pêhete.
