PDK her ke şino ver bi hereme gêrîllayanê HPG/YJA Stare sewqîyatê hêzanê eskerî zêdnena.
Bi goreyê agahîyê peyênan herema Xelifan ra heta Barzan hêzêka bi nameyê “Mekteba Serok” hetê PDK ra yena bicakerdene.
Na hêza ke bi wesayîtê zirxîn û çekêy giranan yena bicakerdiş hereme sero zextêke dana awankerdene.
Provakasîyonê şerrî êy dewleta tirke û PDK hereme de, dewam kenê.
PDK sewqîyatê hêzan û sîlahêy giranan êy ver bi hereme domnena.
Bi boreyê agahîyan PDK hêzêka taybete ya bi nameyê “Mekteba Serok” dewa Serêşme de bi ca kena.
Bi goreyê agahîyanêy ke çimeyanê heremî ra ameyê girotiş, nizdê hefteyêke yo PDK herema Xelîfan ra heta herema Barzan hêzêka taybete bi ca
kena.
Hereme de badê hêzêy taybetan êy asayişê hêzêka bi nameyê “Mekteba Serok” ya giredayeyê PDK zî hereme de yena bicakerdene.
Reyna heman çimeyan resna ke na hêze bi çekêy giranan û wesayîtê zirxînan ver bi hereme yena sewqkerdene.
Nêy hêzêy PDK di dekewtişê dewan de noqteyê kontrolî awan kerdû û nasnameyanê dewican kontrol kenê.
Dewicîy bê kontrolkerdişê nasnameyan nêşikenê bikewê dewa xo û bivecîyê.
Reyna dewicîy ameyê heşyarkerdiş ke seetanê şanî de nêkewê teber.
Çimeyê heremî eşkera kenê ke, na rewşe welatîyê hereme bêzar kerdê.
PDK 25’ê Citmenge ra hêzanê xo hewldanê herema Garê.
Bi sewqkerdişê hêzêy taybetan ya bi serokatîya PDK, ver bi heremanê Biradost û Barzane zî nîşan dano ke hedreyîyê şerrî êy PDK Behdînan ra
heta Bradost û Zînê Wert yê.
