Pawitoxanê Buroya Hiqûqî ya Esre ra Serbay Kokluyî derheqê pergala Îmralî û qedexeyanê peyênan de, qisey kerd.
Kokluyî vat; Pergala Îmralî, pergala têduştameyişê şerrî û aştîye ya.
Pawitoxanê Buroya Hiqûqî ya Seserre ra, Serbay Kokluyî derheqê pergala Îmralî de, ANF rê qisey kerd.
Kokluyî vat;
Komploya mîyanetewî ya 9’ê Citmenge bi verkêşîya Emrîka û Dewletanê Ewropa pêk amî.
Bi komploye,derheqê plananê verva kurdan û Rochelatê Mîyanênî de, agahîyêy muhîmîy vecîyay orte.
Tesîrê Paradîgmaya Birêz Ocalanî ya kurdan û Şaranê Rochelatê Mîyanênî sero, hetê nêy hêzan ra zê tehdîdî ame dîyiş.
Bi no sebeb zî komplo defîya merîyete.
Kokluyî vat;
Pergala Îmralîyî, hêzanê mîyanetewîyan rê seba teşedayişê kurdan û Rochelatê mîyanênî, bî binke û seba dewleta tirke zî bî pergale.
Bi no sebeb pergala Îmralî, dîzaynê hêzanê mîyanetewîyan a.
La na plane bi goreyêko amebî viraştene, bi ser nêkewte.
Birêz Ocalanî Plane zê mudaxeleyê Gladîo bi name kerde û bi formulekerdişê Modernîte û netewa demokratîke, mudaxeleyê plane kerd.
Koluyî vat.
Birêz Ocalanî, serra 1998’ine de, şerrê Rochelatê Mîyanênî tespît û zê şerrê 3’ine yê Cîhanî bi name kerdbi. Tespîtêy êy wextî êy Birêz Ocalanî, ewro hetê xeylê zana û merdimanê fikrî ra, yeno qebûlkerdene.
Kokluyî vatişê heyeta mîyanetewî ya Îmralî ke vatbi “Îmralî hem laboratûvarê zextan û hem zî yê demokrasî yo” vist vîrî û wina dewam kerd.
No vatiş, raştîya Pergala Îmralî bi name keno.Pergala Îmralî pergalêka taybet a. Îmralî cayê têduştverîya aştîye û şerrî, derrbe û demokrasî û kaos û çareserîye yo.
Birêz Ocalanî bi fikir û felsefeya xo ripêşê-maskeya xeylê hêzan vete û raştîya înan raviste ver çimanê raya pêroyî ya dinya.
Nizdbîyişê Birêz Ocalanî, sîgortaya vernîgirotişê ro felaketa şaranê tirkîya û Rochelatê Mîyanênî ya. Gere na baş bêro zanayene.
