Hemseroka HDP Pervîn Bûldane derheqê Operasîyonê Qirkerdişê Sîyasî yê verva HDP de, kombîyişêkê çapemenîye ro dar vist.
Bûldane vat:\
“Ma verva zextanê şima serre çewt nêker wa no zî şima rê bibo derd.”
Hemseroka HDP Pervîn Bûldane derheqê Operasîyonê Qirkerdişê Faşîzmê AKP yê verva HDP de eşkerayîya çapemenîye ro dar viste.
Eşkerayî Navenda Pêroyî ya HDP de pêk amî.
Partîyê Pêkameyê HDP tewrê eşkerayî bîy.
Hemseroka HDP Pervîn Bûldane di eşkerayî de nêy vatîy.
Çalakîyanê 6 û 8’ê Citmenge yê Kobanê ser ra 6 serrîy derbas bîy.
La AKP ze ke çîyêko newe bîyo defînenê rojdeme.
Bûldane oprasîyon zê “Operasîyonêkê Sîyasî” bi name kerd û vat
Îqtîdar bi nêy operasîyonan wazeno heyfa 7’ê Hezîrane HDP ra bigero.
La ma zê HDP, şarê Kurdî, cînîyan û ciwanan, êy şima ra ver zî dîy.
Ma Evren,Çîlere,Gureş û Agar nas kerdîy. Ma kesî rê serre çewt nêkerd.
Ma şima rê zî serre çewt nêkenê. Wa no zî şima rê bibo derd.
Pervîn Buldane vat;
4 serrîy o hemserokê ma êy verênî Selahattîn Demîrtaş û Fîgen Yuksekdage, parlamenter, hemşaredar û bi hezaran rayirber û endamê ma
zîndanan de yê.
Her roce verva partîya ma operasîyonîy yenê rodarvistene.
No operasîyon zî verdewamê operasyonêy verênan û dewamê derrbeya sîyasî ya AKP yo.
Buldane vatiş ard nêrazîbîyişanê civatî û sazî û dezgeyan ser û nêy vatîy.
Bi destpêkerdişê operasîyonî ra di raya pêroyî de nêrazîbîyişêy cîddî amey nîşandayiş.
Bi no sebeb ma dorêka bîne partîyanê sîyasî û heme sazî û dezgeyanêy ke paştîye da ma, rê kêawanîya xo anê ziwan.
Hemseroka HDP Pervîn Bûldane peynî de veng ro muxalefetî kerd û vat;
Ewro zafêrî hewceyî bi pêhetameyiş û awankerdişê bereyêka demokrasîyî est a.
Gere ma verva bêhiqûqîyanê îqtîdarî,seba demokrasî û ameyîya ney welatî, bêrê pêhete.
