PEYMANA FIROTINA ŞENGALÊ
PJAK: DIVE HEMÛ HÊZÊN DEMOKRATÎK PIŞTGIRIYA ŞENGALÊ BIKIN
Meclisa Partiya Jiyana Azad a Kurdistanê PJAK’ê têkildarî lihevkirina di navbera PDK, Bexda û dewleta tirk de, ya li ser Şengalê daxuyaniyek nivîskî weşand.
PJAK’ê eşkere kir ku tişka DAIŞ’ê nekarî li Şengalê bike, PDK dixwaze bi lihevkariya Bexda û dewleta tirk bike.
Meclîsa PJAK’ê di daxuyaniya xwe de ragihand ku li dijî êrîşên DAIŞ’ê civaka Êzidî bi hêz û rengê xwe ve dijî teslîmbûnê derketiye û wiha got:
“Bi têkoşîna keç û kurên Êzidî û Tevgera Apoyî gelê Êzidî ji tinekirina dîrokî xelas bû.
Gelê Êzidî fam kir ku yekane mercê mayîn û hebûna wê ev e ku erka parastin û siyasetkirinê bi xwe bike û li benda ti kesê nemayîn ye.”
Meclîsa Partiya Jiyana Azad a Kurdistanê piştgiriya xwe ya ji bo xwerêveberiya Şengalê anî ziman û ragihand ku divê hemû hêzên demokratîk û azadîxwaz piştgiriya xwerêveberiya Şengalê bikin û divê rê neyê dayîn ferman dubare bibe.