Dadîyanê Gerîlla yê Rojavayê Kurdistane, di çarçoveya hemleya KCK’yî de dabî zanayene ke, înan do her hefte çalakî pêk bîyarê.
Çalakîya Însîyatîfê Dadîyanê Gerîlla di hefteya 3’ine de ya.
Dadîyanê gerîlla verva awankerdişê baregehanê eskerê ey sînorê Herêma Federal ya Kurdistane bi eşkerayîyeke şermezar kerdîy.
Bi wesîleya hemleya KCK ya “tecrîd, faşîzm û îşgalkerîye rê nê, wextê azadîye yo” Rojavayê Kurdistane de Însîyatîfê Dadîyanê Gerîlla her hefte çalakî rodarfînenê.
Çalakîya Dadîyanê Gerîllayan di hefteya 3’ine de ya.
Dadîyan awankerdişê baregehanê eskerî ey sînorê Herêma Federal ya Kurdistanî bi eşkerayîyeke nuştekî parka Avesta ya bakarê Qamişlo de şermezar kerdîy.
Eşkerayî hetê mamosteya bi name Stêra Îbrahîme ra ame wendene û wina ame vatene:
“Nameyê Însîyatîfê Dadîdyanê Gerîlla sero, ma sîyasetê şaş û polîtîkayanê ke verva şarê ma yenê rayiraberdene şermezar kenê.
Sînore ke bi destê PDK mîyan kurdan de yeno awankerdene, gere bêro wedartiş. Kurdistan yew perçe yo û kurd yew netew ê. Kesêk nêeşkeno erdê ma perçe bikero û ma domananê ma ra qût bikero.”
Di dewamîya eşkerayî de ame vatene ke, sîyaseta PDK şaş û înan zey dadîy n qabûl nêkenê ke domananê înan bibê qurbanê berjewendîyanê desthilatdaran.
Ame vatene ke, verva ney kerdeneyî bêrumete do Însîyatîfê Dadîyanê Gerîlla xo ver bidê û wina veng ame dayene:
“Ma veng ro heme dadîy û cenîyanê Vaşûre Kurdistane kenê ke, destê xo bidê destê dadîyanê Rojava. Lazimo ma têreyde îşgalkerîye qabêl nêkerê. “
