Binarê Qendîle de komkerdişê simaqî dest pê kerd.
Welatijanê herême bi awayokw komînal simaqî kom kenê.
Simaq, xeylî werdeneyî de yeno bikarardene.
Her serr peynîya aşma Îlone de Binarê Qendîle de, bi taybet Dola Surede de welatijî bi awayokê komînak dest bi komkerdişê simaqî kenê.
Simaq, berhemanê ke Binarê Qendîle de bi sebebê coxrafîyaya ci ya bi ko, zozanan û germayîye de virazyêne ra yew a.
Herra herême zî semedî dara simaqî akerdeya.
Welatijo bi name Awat Mihemed derheqê karê çinayîşî simaqî de qisey kerd û da zanayene ke, înan seetanê serê sibay de dest bi karî komkerdişî kenê.
Awat Mihemed vat, seba ke dara simaqe dareka nazika, merdim nêeşkeno bi destan bibirno. Lazimo bi kardî bibirno.
Reyna 2 awayê simaqî estê. Rengê sor û qehweyî estê.
Ya Binarê Qendîle de zî simaqî bi rengê qehweyî baş vecîyeno.
Awat Mihemed da zanayene înan komkerdişê simaqî bi awayokê komînal kenê.
Cenîya bi name Amîne Hemed zî derheqê karê simaqî de wina vat:
“Dewe de cuwîye tikê zehmeto. La reyan zî weşîya însananê dewan hama baş o.
Ma 3 rocîy bi komkerdişê simaqê reyde meşgulî.
Di vernî de ma simaqî daran ra birrnenê. Dimara zî bi qase 1 hewte binê tînce de ronenê ke wa wûşk bibê.
Badê zî ma hem semedî xo verdenê û hem zî bazaran de roşenê.”
Amîbe Hemed da zanayane ke, simaq werdeneyê zey dolme, mase, kebab û xeylî werdeneyî bînî de yeno bi karardene.
