Rêveberiya Xweser a Bakur û Rojhilatê Sûrî têkildarî êrişên dewleta dewleta Tirk yên li herema Eyn Isa bang li Amerika û Rusyayê kir.
Rêveberiyê ji Rûsya û Amerîka xwest ku çawa soz dane xwedî li berpirsiyariyên xwe derkevin û pêşî li sûcên şer ên dewleta Tirk bigrin.
Rêveberiya Xweser a Bakur û Rojhilatê Sûrî bi bîr xist dewleta Tirk di êrişên xwe de sivîlan dike hedef û wiha got.
Ev 4 roj in li Eyn Îsa, artêşa Tirk a dagirker û çeteyên wê li hemberî gelê me ê sivîl çekên giran bi kar tînin..
Tevî li hevkirina rêveberiya xweser a bi Rûsya û Amerîkayê re ev êriş pêk tên.
Rêveberiya xweser bang li aliyên çavdêr û di sêrî de Rûsya û Amerîkayê kir ku berpirsyariyên xwe pêk bînin.
Her wiha bang li Neteweyên Yekbûyî û aliyên têkildar kir ku bi rola xwe rabin û rê nedin sûcên şer ên dewleta Tirk
Hêjayî bibîrxistinê ye ku komîteya mafên mirovan a Neteweyên Yekbûyî di raporeke xwe ya beriya bi çend rojan de îşaret bi sûcên dewleta Tirk yên li Bakur û Rojhilatê Sûriyê kiribû.
