Sterk TV – Zindi, Canli, Live, Kurdî, Kurmancî, Soranî, Zazakî, Dimilkî, Hewramanî, Kurdistan
Nûçeyên Dawî

Sabrî Ok: ”Rayira çareserkerdişê persgirayan dîyalog o.” 11.11.2020

Endamê Konseya Rayirbere ya KCK yî Sabrî Ok bernameyê Rojeva Welat yê Stêrk Tv de qisey kerd.

Sabrî Okî mijara alozîya bi PDK reyde sero vat;

“Binkeya persgirayan têkilîyê PDK yê bi dewleta tirke reyde yê.

Rayira çareserkerdişê persgirayan dîyalog o.”

Endamê Konseya Rayirbere ya KCK Sabrî Okî bernameyê Rojeva Welat yê Stêrk Tv de mijaranê rojdeme sero qisey kerd.

Sabrî Okî derheqê alozîyanê bi PDK reyde nêy vatîy.

“PDK, bi zextanê dewleta tirke hereket kena û nêşikena vaco, dewleta tirke axa ma îşgal kerda. Gere PDK di têkilîyanê xo êy bi dewleta tirke reyde de, zelale bo û raştîyan îtîraf bikero. La di cayo ke na raştîyan îtîraf bikero de, PKK yî sûcdar kena. No çîyêko şaş û şaşîtîye ra weta zî talûke yo. Persgira na ya.

Sabrî Okî vat, Gere PDK nêkewo xapanê dewleta tirke û nêbo sebebê alozîyê talûkeyan.

“PDK zaf baş zanena ke sebebê êrîşanê dewleta tirke ma nîyê û mexsed îşgalkerdişê Kurdistanî yo. Reyna PDK baş zanena ke dewleta tirke kewte cayêke, êdî oca ra bi halê rihetîye, nêvecîyena. Di hesabê dewleta tirke de hemeyê Vaşûrî û Îraqî est o. Nêvecîyayişê herema Başîka ra zî, bi sebebê ney hesabî yo”.

 

Sabrî Okî vat; Gere PDK nêbo perçeyêkê konseptê îşgalî yê dewleta tirke û wina dewam kerd.

“No konseptê duştverîya PKK’yî, konseptêko talûke yo û seba PDK zî şermêko giran o. Senî beno, hêzêka kurde di konseptê îşgalî de verva hêzêka bîne ya kurde, dişmnî reyde hemkarîy kena. Persgirayê ma êy bi PDK reyde çi benê wa bibê, bi rayaira dîyalogî şikenê bêrê çareserkerdiş. Birêz Mesûd Barzanî û rayirberê PDK, çi ra di no derheq de çîyêke nêvanê. Çi ra nêvanê ma seba çareserkerdişê persgirayan dîyalogî rê hedreyê”?

Sabrî Okî vat; PKK yî tu wextêke verva hêze yan zî kurdanê perçeyêkê bînî bi dewletanê dormeyî reyde hemkarîye nêkerde û nêbi perçeyêkê konseptê înan. Gere PDK zî vaco ” Ma verva hêzêka kurde, bi tu dewletêke reyde nêkewenê mîyanê têkilîyan û nêbenê perçeyêkê konseptê înan”

Sabrî Okî vat: Pêşmergey zî rewşe ra nêrazîyê. Reyna helwesta partîyanê Vaşûrî erênî ya la seba çareserîye bes nêkenê û vayişê xo wina bi peynî kerdîy.
Eşkerayîyê rayirberanê PDK zî, bi nîyetêko baş nîyê. Yew çekûyêka bi nîyetê başî, şikena na rewşe bivûrno.

 

Ev jî hatin dîtin

Kêliyên krîtîk ên Komploya 9’ê Cotmehê -I

Stêrk Tv

Kalkan: Pêşî li 15’ê Sibatê dikarîbû bihata girtin

Stêrk Tv

Komîteya KJK’ê: Wê nekaribin pêşî li şoreşa jinan bigirin

Stêrk Tv

Gelo OPCW li hemberî Kurdan e?

Stêrk Tv

Qirkirina jinan

Stêrk Tv

Ji Zagrosan awazek tê

Stêrk Tv