Derheqê êrîşê nîjadperestî yê Sakarîya yê verva karkeran de, sîyasetmedar qisey kerd.
Di qiseykerdişan de ame vatiş ke, nêy êrîşîy, encamê polîtîkayanê AKP, êy dişmentîya verva şarê Kurdî yê.
Sakarîya de, karkerêy demsere raştê êrîşê nîjadperstî amey.Walîyê Sakarîya bi eşkerayîya xo, waşt hovîtîye bilûmno.
Parlamentera HDP Zuleyaha Gulum, Pawitoxa Heqanê Merdiman Eren Keskîn û Seroka ÎHD ya Stembole Gulseren Yolerî derheqê êrîşî de ANF rê qisey kerd.
Parlamentera HDP Zuleyaha Gulume wina vat.
Na ra ver zî Sakarîya de seba ke kurdîy bîy û bi kurdî qisey kerd, însanîy amey kiştene. Nêy êrîşîy bi bêcezayîye amey xelatkerdiş. Nika ma awnenê eşkerayîya walîyî ra, ma vînenê ke heman feraset dewreye de yo û êrîş yeno bincilkerdene. Na polîtîka, vernîye ro êrîşanê lîncî û nîjadperestîye akena. Di binkeya nêy êrîşan de, polîtîkaya dişmentîye ya verva Şarê Kurdî est a. Îqtîdar dişmentîya kurdan û cîyakerdişê civatî ser ra, wazeno emrê xo raderg bikero.