Sterk TV – Zindi, Canli, Live, Kurdî, Kurmancî, Soranî, Zazakî, Dimilkî, Hewramanî, Kurdistan
Nûçeyên Dawî

Sakîne Cansiz – Sara 08.01.2021

 

Keyna Dersime, torina Elîşêr û Seyîd Riza..

Şopdara Besê û Zarîfeyan..

Nameye Xoverdêrîya Zindana Amede…

Ez behsa awankerdoxanê PKK’yî ra Sakîne Cansiz kena.

Sakîne, ango Sara 9’ê Çeleya 2013’ine bi 2 rayhevalanê xo Fîdan Dogan û Leyla Şaylemeze reyde hetê MÎT’ê tirka ra amî qetilkerdene.

Nika ma portreya Sakîne Cansiz, Sara anê ekrananê şima ser.

Ba biawnê tekoşîna cinîya xoverdêrî ra…..

HER TIM LEJ BI CUWÎYEYÊ PORSÛREKA DERSIME – SAKÎNE CANSIZ
“ZÊY MÎLÎTANA DOZÊKA HEQDARE, MIN ŞERM KERD KE EZ VACA AX”

Dersim…

Bajaranê tewir rindik ya Kurdistanî ra yew.

Û bajaran ke wayîrê dejeke giran ra yew…

Dewleta Tirk ya îşgalkere serra 1938’ine di na bajarê de terteleyeke pîl pêk ard.

Terteleya Dersime.

Gorey çend çimkanîyanê 90 hezar Kurdistanijî, ke zafê înan civaka Elewî ra bîy, bi awayoke tewir hovane amey qetilkerdene.

Bi des-hezarî kes Dersime ra amey koçkerdene.

Qirkerdişî fîzîka ra zafêr, dewleta Tirk ya îşgalkere waşt Dersim bê-kamî, bê-welatparêz bimano.

1970’ine bi sebebê na êrîşa giran, herra Dersime de tesîroke giran verda.

Wextoke Têgêrayîşa Azadîya herra Kurdistane de bi rih û gewde bi, Dersim zî êdî êdî amey xo ser.

Şar hembêza xo Têgerayîşa Azadîye ye Kurdistane re akerd.

Ya ke hembêza xo akerd zî Sakîne bîy….

Sakîne Cansiz 1958’ine de Dersima veşyaye ra werzay.

Bi lej warişt.

Bi cengê warişt Sakîne…

Bi sebebê nê lejî ye semedî heqîqetê, 1971’ine de xo resnay xeta ke agêrayîbî.

Xarpetê de mîyan koma vernî ya Apocîyan de cayû xo girot û bîy verkêşa ciwananê şoreşger.

Sakîne ke mîyan Apocîyan de nameyê Sara girot stuye xo ser, bi kar, xebat û têkoşîna xo nameyê xo di tarîxe de nusay.

27’ê MIjdara 1978’ine dewa Fîse ya qezaya Licê ya Amede de, bîy awankeranê Partîya Karkerên Kurdistanê PKK ra yew.

Badê na kongreya tarîxî, ke bi binkeya Şoreşa Kurdistane, semedî kar û xebatanê rayvistine, reyna agêray herêma Dersim.

1979’ine de Sakîne tewrê komeke embazanê xo, dîl kewna destê dewlete.

Êdî seba Sakîne pêvajoyeke giran, la belê bi serreberzî dest pê kerd.

Zindana Amede bi derbeya faşîst ya 12’ê Îlone re bîy navenda faşîzmî.

Sara na zindanî de, verva verkêşa na faşîzmî serre hewana.

Na serrehewanayîşî mîyan zindana Amede de veng da.

Îşkenceyeke giran ro ya û embazanê ya ame kerdene.

Reyna zî, nê ya û nê embazanê ya zî vile xo çewt nêkerd.

Sara heman vindertişê xo, zindananê Xarpêt, Meletî, Bursa û Çanakkale de zî dewam kerd.

Senî ke zindananê dewleta Tirk ya îşgalkere ra vecîya, bi hesreteke pîl verê xo da rayhimbazanê xo het.

Şîy koyanê azad û na ca ra zî xo resna rayhimbazê xo Rayver Apoyî.

Akademîya Mahsum Korkmazî de tewrê Konferansa Zindanan ya 1’ine bîy.

Badê vindertişeke derg ya koyêyane azade de, êdî verê têkoşîna Sara kewt Ewrupa.

Bi taybet semedî têkoşîna azadîya cenîyan, bi rol û mîsyoneke verkêş warzay.

Dewleta Tirk ya îşgalkere bi rola Sara ya verkêş zanaybî, reyna bi rola verva şarî Kurd warzay.

9’ê Çileya 2013’ine…

Na roja reyna semedî şarî Kurd, semedî Dersim, tarîx xo digarg kerd.

Na roj reyna vatişî Rayverê serreberzkerdişî Dersim Seyd Riza kewt vîra heme kesî:

“Min nêeşka bi zur û hîleyanê şima, wa na semedî min bibo derd. La min verva şima vilê xo çewt nêkerd, wa naye zî şima re bibo derd. ”

Rayver Apo na roje zê “terteleya Dersim ya 2’ine” bi name kerdbi.

Paytexta Fransa Parîs de, Sakîne Cansiz tewrê 2 rayhimbazanê xo Fîdan Dogan bi nameye naskerde Rojbîn û Leyla Şaylemez bi nameye naskerde Ronahî amey qetilkerdene.

Cenazeya înana bi merasimeke heybet Parîse ra ver bi Kurdistane re ame oxirkerdene.

Bi sey hezarî kesî zerrê Kurdistane, Amede de PKK hembêz kerd.

1938’ine ra heta na roje, Dersim dora yewin wina bi heybetî xo bi koyêyanê xo xemilnaybî.

Dersime porsûrika xo hembêz kerd.

Ev jî hatin dîtin

Kêliyên krîtîk ên Komploya 9’ê Cotmehê -I

Stêrk Tv

Kalkan: Pêşî li 15’ê Sibatê dikarîbû bihata girtin

Stêrk Tv

Komîteya KJK’ê: Wê nekaribin pêşî li şoreşa jinan bigirin

Stêrk Tv

Gelo OPCW li hemberî Kurdan e?

Stêrk Tv

Qirkirina jinan

Stêrk Tv

Ji Zagrosan awazek tê

Stêrk Tv