Hemleya KCK ya ” Tecrîd, Faşîzm û Îşgalkerîye rê Nê, Wextê Azadîye yo” di qada mîyanetwî de veng dana.
Ewro bajarê Berlîn yê Almanîya de bi tewerbîyişê enternasyonalîstan eşkerayîyêke amî dayene.
Xeylê Welatanê Dinya ra, xeylê kesayetêy namedaran peyamîy şirawitîy eşkerayîye.
Bajar Berlînî yê Almanîya de bi sebebê paştîdayişê Hemleya KCK ya “Tecrîd, Faşîzm û Îşgalkerîye rê Nê, Wextê Azadîye yo”, eşkerayîyêka
çapemenîye amî rodarvistene.
Eşkerayî verê Meclîsa Federale ya Almanîya de pêk amî.
Çalakîye hetê Însîyatîfê Ocalanî rê Azadî ra amî organîzekerdene.
Temsîlkarê Şarê Kurdî, Tirkî û Almanan tewrê çalakîye bîy.
Xeylê welatanê dinya ra kesayetêy xoseran, sîyasetmedar, temsîlkaranê sazî û dezgeya û pawitoxanê heqanê merdiman, peyamîy şirawitîy
çalakîye.
Destpêke de Hemserokê KCDK-E Yuksel Koçî qisey kerd.
Koçî vengdanê tewerbîyişê heme dormeyanêy ke azadî, aştî û demokrasî wazenê, yê hemleye kerd.
Endamê Meclîsa Berlînî Hakan taşî zî di qiseykerdişê xo de sûcê şerrî êy dewleta tirke vistîy vîrî û hikumatê Almanîya ke hetkarîya tewir pîle
dano dewleta tirke şrmezar kerde.
Dime ra zî nameyê TJK-E sero sîyasetmedar Zozan Serhate qisey kerd û vat ma do zê hereketê cînîyanê Ewropa hetkarîya tewir pîle bidê na
hemleye.
Peynî de zî xeylê temsîlkaranê sazî û dezgeyanê civatîyan bi qiseykerdişanê xo paştîye da hemleye.
Bi sebebê Şobaya Corona ke tewrê Çalakîye nêbibîy xeylê welatan ra Sîyasetmedar, Pawitoxanê Heqanê Merdiman, sendîkawan û kesayetê
xoseran peyamîy şirawitîy çalakîye û paştîdayişê xo yê seba Hemleye eşkera kerd,
