Sterk TV – Zindi, Canli, Live, Kurdî, Kurmancî, Soranî, Zazakî, Dimilkî, Hewramanî, Kurdistan
Jin Nûçeyên Dawî

Serpêhatîya jina tekoşer Leyla Agirî

 

 

FILÎZ ASLAN-LEYLA AGIRÎ JINA SERHILDÊR A SERHEDÊ

Endama Konseya Rêveber a KJK’ê Leyla Agirî di encama êrişên balafirên artêşa tirk li Herêmên Parastinê yên Medyayê şehîd bû.

Şoreşgera serbilindiya Serhedê…

Leyla Agirî…

Têkoşera Azadiya Jinê û Kurdistanê ya 27 salan.

Jinek ji zarokatiya xwe heta şehadeta xwe çawa dikare bibe xwedî seknek mînak?

Em bi hev re li kurtejiyana şoreşger Leyla Agirî temaşe bikin û guhdarî bikin.

Leyla mine leyla welêt…

Wê dil li min kir ar û pêt,

Mizgîn li Kurd roja me tê,

Dijmin ji tirsa maye şêt,

Leyla çiye Leyla jine,

Leyla kiye Leyla mine.

Cegerxwînê nemir Leyla Qasimê û Leylayên Kurd ên berxwedêr hemûyan wiha pênase dike.

Yek ji wan Leylayan jî jina serhildêr a Serhedê, Keça Geliyê Zîlan…

Weke çiyayekî hevrêya çiyayê Agirî…

Filîz Aslan bi nasnav Leyla Agirî ye.

Li navçeya Wanê Qelqeliyê sala 1972’yan ji dayîk bû.

Zaroka 7’an a Ano û Mihemed bû.

Navê wê Filîz danîn.

Weke navê xwe, bû nûnerek ji bişkivandina jiyana azad.

Li Qelqeliyê, ku weke cihêrengiya gelan bû mezin bû.

Hê di zarokatiya xwe de 4 salî ji dest û mil bû.

Dayîka wê Ano jiyana xwe ji dest da.

Lê vê yekê têkoşeriya wê ya jiyanê xurttir kir.

Dema weke gelek malbatên Kurd berê wan kete Stenbolê hê 18 salî bû Leylaya Serhedê.

Çiqasî mezin bû, zêdetir bû şahidê pergala xwînmij a dagirkerî û mêtîngeriya Tirk.

1993’yan ji Stenbolê li otobûseke diçe Serhedê siwar bû.

Û rêwîtiya wê ya herî demdirêj a Leylayê bi vî rengî dest pê kir.

Rawestgeha wê ya pêşî çiyayê Agirî bû, ku dagirkeriyê li wir “Kurdistana Xeyalî hatiye binaxkirin” nivîsandibû.

Salên wê yên pêşî di gerîlatiyê de li herêma Tendurekê derbas bû.

Li vir navê çiyayê Agirî li navê xwe zêde kir.

Ji Agirî, Tendurekê, heta Rojhilat, heta Qendîlê û Zagrosan bû pêşenga têkoşîna azadiyê ya jinê û Kurdistanê.

Piştî beşdariya xwe bi 3 salan, hesreta dilê xwe da der û berê wê ket qada Rêbertiyê.

Li vir Rêber Apo nas kir.

Her gava di rêwîtiya têkoşîna azadiyê de çi hêsan çi zehmet, bi serketinê avêt.

Soza ku dayî Rêberê xwe heta kêliya dawî ya jiyana xwe bi cih anî.

Salên dirêj ji gerîlayan re fermandarî kir.

Di xebatên Jineolojiyê yên PAJKê de cihê xwe girt.

Leyla Agirî heta kêliya dawî ya şoreşgeriya xwe, bû nûnera xeta azadiya jinê ya Apoyî, ku ji Sakîne Cansizan heta xwe gihandî ye roja me.

Ev jî hatin dîtin

Dewleta tirk a dagirker 814 donim qadên daristanî yên li herêma Heftanînê tine kirin 17.01.2021

Stêrk Tv

Li Mexmûrê koma 16’an çalakiya gireva birçîbûnê dewr girt 17.01.2021

Stêrk Tv

Çalakiya girtiyên azadiyê ji bo azadiya fîzîkî ya Rêber Apo di roja xwe ya 52’an de berdewam dike 17.01.2021

Stêrk Tv

4 karkerên ji Mexmûrê jiyana xwe ji dest dan 17.01.2021

Stêrk Tv

YPS verva polîsanê dewleta Tirke çalakîyeke sabotaje ro dar vistîy 17.01.2021

Stêrk Tv

Kurdistanij seba azadiya Rayver Apoyi meydanan de bîy 17.01.2021

Stêrk Tv
× Me agahdar bikin!