“Cenîy zî bibê, domanî zî bibê, bikişê”
Ney vatişanê Erdoganî ra dima Ceylan Onkol ya 12 serrîye serra 2009’ine de, hetê hêzê dewleta tirk ya îşgalkere ra amî qetilkerdene.
Qatîlî ewro hema zî serbest geyrenê.
Û a roce ra naheta bi desan domanî Kurdî amey qetilkerdene.
Ewro serragêrayîya 11’ine ya qetilkerdişê Ceylan a.
Qoserî de ugur, Armutlu de Sevcan, Amede de Enes, Cizrê de Miray..
Pê gule, fîşekê gaz û hawayî ra bombavaran de, bi seyan domanî pê polîtîkayê lejî ame qetilkerdene.
Welatê qetilkerdiş yê domanan de, Ceylan ra dima cigerayîşan çîyêk nêame bidestvistij û çîyêk nêbedilya.
Hama qetilkerdişê domanan dewam keno.
Vatişê Erdoganî “Cenîy zî bo, doman zî bo bikiş” fermanê qetilkerdişî û bi seyan domanî amey qetilkerdene.
Înan ra yew zî 12 serrî Ceyla Onkol bî.
Dewa Çemê Elîkan yê Liceyê Amede de Ceylan Onkol 28 yê Îlone 2009’ine debi mermiyê havanî qetil bî.
Dadiyê aye cenazeye keynaya xo, peyşê xo de dayî ariye.
Qetilkerdişê Ceylanî ser ra 11 serrî ravêrtî.
La hema zî qatîlî nêvecîyay mehkeme û ceza nêdiya înan.
Serdozgerê Licê 2013’ine de, dawayê Ceylan de pê îddîayê delîlî çînyê, qerarê padayîşî dosya da û qetilkarî azad kerdî.
No qerar ca-ardişê edeletî asteng kerd û dima zî bi desan domanîy qetil bî.
Qetilkerdişî ra yew serr dima, pawitoxan dawa kiriştê Mehkemayê Heqanê Merdiman yê Ewrûpa.
Ûca ra zî qe yew qerar nêvejiya.
La Ceylan hetê şar, hunermen û xoverdayoxan ra vîra nêşî.
Çimê Ceylanê girdê rindî, hunermend û xoverdayoxan rê bî haritayê riyeyî.
Dadîya Ceylane, Salîha Onkole derheqê dejê zerrîye xo de nînan vana….
