Sterk TV – Zindi, Canli, Live, Kurdî, Kurmancî, Soranî, Zazakî, Dimilkî, Hewramanî, Kurdistan
Nûçeyên Dawî

Serragêrayîya 6ine ya Kobanê 26.01.2021

 

Ewro serragêrayîya 7’ine ya xelesnayişê Kobanê ya.

Kobanê di peynîya xoverdêrîyêka destanî ya 134 rocan de, çeteyanê DAÎŞ’î êy bi paştîdayişê dewleta tirke ra ame xelesnayiş.

Bi destpêkerdişê serrewedartişê şaran yê Sûrîya yê serra 2011’ine Rojavayî de zî Şoreşa şaran ya bi verkêşîya Kurdan dest pê kerd.

Di wextêkê kilmî de, Rojavayî de rayirberîya sîyasî û civatî ya tewir muhîme, Hêza Pawitişê Şarî amî awankerdene.

Na hêze, bi hûmarêka taye la bi vîr,qerardarîyêka pîle, di wexttêko kilm de ro artêşa azadkerdişê rûmetê merdîmayîye agêra.

Serra 2014’ine de êdî Rojava bi qehremanîya bi hezaran kêna û xortanê xo bi rojdema serekîye ya cîhanî.
Verva nêy destkewteyanê pîlan, neyarê Kurdan zî kewtîy mîyanê live û têgêrayişan.

Bado ke Mûsil hetê çeteyanê DAÎŞ’î ra ame îşgalkerdiş, çeteyanê DAÎŞ’ verê xo da Kobanê.

Çeteyanê DAÎŞ’î û serekçeteyê înan Eerdoganî xeyal kerdê ke do zê Mûsile, êy do Kobanê zî mîyanê hefteyêke de îşgal bikerê.

La hesabê Erdoganî êy keye û bazarî yewbînî nêgirewt û planê înan nêşî serre.

Kobanê ya ke heta a roce hetê cîhanî ra nîyameyêne nasnayiş, bi qehremanîya lejwananê zê Arîn, Gelhat, Zozan û Zehrayan bi qibleyê merdimayîye.

Lejwananê azadîyê ke sozê serkewtişî dabi Arîn Mîrkane, keye bi keye, kuçe bi kuçe kewtîy cengêkê giranî.

Gama ke kêna û xortêy qehremanan, Kobanê de verva DAÎŞ’î lejê seserre kerdê, Vakûrê Kurdistanî de zî sînorê Kobanê û Pirsûse de bi aşman xeymêy xoverdêrîye amey akerdene.

Wextê xoverdêrîye de Rayver Apoyî bi rayira heyeta HDP vengdanê seferberîya seba Kobanê kerd.

Vengdanê Rayver Apoyî sero xoverdêrîya Kobanê derbasê qunaxêkê neweyî bî.

Bi hezaran ciwananê Kurdistanî têlê mûndey êy sînorê îşgalkeran qeleşnay û qefle bi qefle verê xo da cenga seserre.

Kurdistan, Tirkîya û hemeyê cînanî de bi mîlyonan kesîy seba Kobanê weriştîy ra lingan ser.

Di serrewedartişê 6 û 7’ê Citmenge de nizdê 40 welatpawêrêy kurdîy hetê hêzanê dewleta tirke ra amey şehîdkerdene.

Bi nêy serrewedartişan dewleta tirke hêjikîya û verva xoverdêrîye şaşopaşo bî.

Na xoverdêrîya destanî, dinya de veng da û hêzêy koalîsyonî seba ke prestîjê xo vîndî nêkerê, neçar mendîy ke hetkarîye bidê xoverdêrîye.

Şerrê 134 rocan êy Cenga Seserre, temamê cîhanî de name da û coka zî roca 1’ê Mijdare zê roca Kobanê ya Cîhanî amî îlankerdene.

Di peynîya aşma Mijdare de Lejvananê YPG/YPJ seba bivîrardişê şehdanê Kobanê hemleye da destpêkerdene û gam bi game averşîyişê xo domna.

Di çarçoveya Hemleye de 19’ê Çeleyê 2015’ine de Girê Miştenûre, bi nameyêko bîn Girê Arîn Mîrkane ame xelesnayene.

Roca 26’ê Çeleyê 2015’ine xoverdêrîya seserre ya Kobanê bi ser kewte.Badê xelesnayişê Kobanê bi des hezaran kesîy bi awayêko hemwext vecîyay kolanan û bi coşêko pîl xelesîyayişê Kobanê firaz kerd.

Kobanê Nêkewt, xo ver da û sozê xo yo ke dabi şehîdan bi ca ard.

Kobanê bi rihê Arîn Mîrkan, Zozan, Gelhat û Hebûnan rûmetê merdimayîye sewekna.

Kobanê bi sembolê xoverdêrîye, bajarê şehîdan û bajarê Rûmetî.

Ev jî hatin dîtin

Mîthat Sancar: Welatên Yekitiya Ewropayê ji pêkanînên bê hiqûqî yên desthilata AKP’ê berpirs in 27.02.2021

Stêrk Tv

Meclîsa Xweseriya Demokratîk a Şengalê li hev civiya û li ser kar û xebatên dema pêş nirxandin kirin 27.02.2021

Stêrk Tv

Li Şengalê perwerdeya ziman: Ji bo zarok ji perwerdeyê nemînin mamoste bang li malbatan dikin 27.02.2021

Stêrk Tv

Li Belûçistanê xwepêşandan didomin, artêşa Îranê hêzekî mezin sewqî herêmê dike 27.02.2021

Stêrk Tv

IPPNW: Divê li Garê lêkolîn bê kirin 27.02.2021

Stêrk Tv

Gulistan Çiya Îke: Berxwedana Garê desthilata AKP-MHP’ê hejand 27.02.2021

Stêrk Tv
× Me agahdar bikin!