Ewro serragêrayîya Serrewedartişê Vakûrê Kurdistanî, ya 6 û 8 Citmenge ya seba azadîya Kurdistanî ya.
Di Citmenga 2014’ine de, bajarê Kobanê de taxêka şenkek di bin îşgalkerîya DAÎŞ’î de bi.
Di 6-7 û 8’ê Citmenge de şarê Vakûrê Kurdistanî verva nayê werişt ra lingan ser û serrewedarit.
Serreyê Citmenge sera 2014’ine bî.
Çeteyanê DAÎŞ’Î bi paştîdayişê dewleta tirke û tay hêzanê mîyanetewîyan dorme ro bajarê Kobanê girotbi.
Xêncî taxêka qise hemeyê Kobanê di bin îşgalê Çeteyanê DAÎŞ’î de bi.
Dewleta Tirke hîvî bî ke a taxe de zî xoverdêrî têk şêro, Kobanê de komkiştişêko pîl pêk bêro û b ney awayî serkewtişê xo yê bi hemkarîya çeteyanê
DAÎŞ’î îlan bikero.
Bi na hîvîye Erdoganî di qiseykerdişê xo yê Îslahîyeya Dîloke de bi vatişê; “Kobanê kewt keweno” na hîvîya xo ardê ziwan
La roca 6’ê Citmenge, di Vakûrê Kurdistanî de serrewedartişêkê tarîxî dest pê kerd û heme hesabê qilêrinî êy dewleta tirke, çeteyanê DAÎŞ’î û
hemkaranê înan êy mîyanedtewîyan serobin bi.
Vakûrê Kurdistanî de bi se hezaran kesîy bi sloganê ” Her ca Kobanê, her ca Xoverdêrî” vecîyay kolananê bajaran.
No serrewedartiş di wextêko zaf kilm de hemeyê Tirkîya û Ewropa ra vila bi.
6’ê Citmenge zî Cizîra Botane ra heta metropolanê Tirkîya çalakîyê girseyî pêk amey.
Ney serrewedartişî 3 rocîy dewam kerd.
Di Vakûrê Kurdistanî de awanîye dewlete êy fermî û wesayitîy amey veşnayiş.
Hikumatê AKP zî zê çêeteyanê DAÎŞ’î di Vakûrê Kurdistanî de dest bi komkiştişan kerd.
Gimgime, Bazîd, Îdir, Kop, Melezgir, Wan, Erdîs,Elbak û Bêgirê de êrîşê hovîy êy hêzanê Erdoganî pêk amey.
Di mîyanê 3 rocan de 43 welatpawêrêy kurdîy amey qetilkerdene û 2 hezarîy zêdêrî kesîy zî amey binçimkerdene.
Şarê Nisêbîne û Cizîra Botan xo ro Sînor qelebna û derbasê Rojavayî bîy.
No serewedartiş ro Vaşûr û Rochelatê Kurdistanî zî vila bi.
AKP û rayedaranê aye Çewlig de serre ro provakasîyonan da.
9’ê Citmenge dewleta tirke 2 polîsê xo kiştîy û seba ke sûcî berzê şarî ser 4 welatpawêrî qetil kerdîy.
Bi ney serrewedartişî û xoverdêrîya lejvanan hemeyê dinya bi vengê Kobanê hesîya.
Xoverdêrîya bêhempa ya Şarê Kurdî ya çar perçeyanê Kurdistanî û dinya, di tarîxê Şarê Kurdî de ripelêko newe akerd.
A roce ra pey tenê Kobanê nê, hemeyê Rojavayê Kurdistanî û Vakûrê Sûrîya gam bi game ver bi azadîye şi.
