Artêşa Dewleta Tirke Wan de welatijan ra Osman Şîban û Servet Turgutî helîkoptere ro eştîbî war.
Servet Turgut bi 20 rocîyo nêweşxane de bi, eyro cuwîyeya xo vinî kerd.
11’ê Îlonî de Eskeranê Artêşa Tirke Dewicanê qezaya Şaxa Wan ra Osman Şîban û Servet Turgut girewtê binçiman.
Badî zî eskeran bi wurdî dewican zî îşkence kerd û ey helîkopterera eştê war.
Dewicanra Servet Turgut, bi 20 rocîyo nêweşxaneya Wanî de binê sekeratî de bi.
Servet Turgutî eyro Cuwîyeya xo vinî kerd.
Servet Turgut babîyê 7 domana no.
Badê otopsî keye û şarê wanî Cenazeya Servet Turgutî berde goristanê Qezaya Edremîtî de defin kerd..
Wextoke Cenaze amey definkerdiş,polîsan vernî ro şarî girewt û nêverda şar tewrê merasimê Turgutî bibo.
La verva heme astengînay,bê xêncê keyeyê Servet Turgutî, Hemşaraadarê Wanî Mustafa Avci û rayirberê HDP yê bajar û qezayan tewrê merasimî bîy.
Osman Şîban ke îşkence ro ci amebi kerdiş û badê dermankerdişê nêweşxaneyî şibi keyeyê xo.
Polîs û eskerîy şîy keyeyê Osman Şîbayî û bi telîmatê serdozgerê Wanî,bi darê zore yo rakerd nêweşxaneyê eskerî.
Bi sebebo ke hema heş nîyameyo serreyê Osmanî,Osman nêşikeno qisey bikero.
La bi fermanê dozgerîya Dewlete ambulansêk Osman Şibanî berdibi bajarê Mersînî..
