“SIRA DEWLETÊ YE”
ALMANYAYÊ NAVEROKA HEVDÎTINA WEZÎRÊ ŞER Ê TIRK EŞKERE NEKIR
Partiya Çep çend hefte ne bi pêşnûmepirsan dixwaze hikumet naveroka hevdîtina wezîrê şer ê tirk eşkere bike.
Hefteya derbasbûyî ji bo pêşnûmepirsa parlamenterê Partiya Çep Andrej Hunko, Wezareta Parastinê tenê gotibû, “Rewşa li Sûriye û Iraqê di nava mijarên hatin nirxandin de hebû.”
Parlamentereke din a koma Partiya Çep Gokay Akbûlût jî diyar kir ku ev bersiv têrker nîne û careke din xwestbû ku detayên hevdîtinê bên eşkerekirin.
Li gel pêşnûmepirsên Partiya Çep jî Hikumeta Merkelê naveroka hevdîtina bi wezîrê şer ê tirk re eşkere nake.
Hikumeta alman di bersiva xwe ya nû de ji bo naveroka hevdîtina navborî got ‘sira dewletê ye’.
Rayedarên hikûmeta şansolye Merkelê bi argumantên dewleta tirk axivîn û gotin:
Li Garê li dijî kampên PKK’ê operasyoneke leşkerî hate lidarxistin.