Tecrîdê verva Rayver Apo’yî dewam keno.
Sîyasetmedaran vat; Destpêka heme zextanê ro ser civatî, Îmralî yo û o ca ra yeno destpêkerdene.
Verva na pergala tecrîdî û zextan gere bereyêka tekoşîna Demokrasî ya civatîye, bêro awankerdene.
Bi tecrîdê verva Rayver Ocalanî êrîşê verva civatî zî yenê zêdnayiş.
Bi qedexeyê 6 aşman yê 23’ê Îlone yê bi pawitoxan reyde, êrîşanê qirkerdişê sîyasî dest pê kerd.
Sîyasetmedaran derheqê rewşe de vat;
Destpêka heme zextanê ro ser sîyaset û civatî, Îmralî ra yenê destpêkerdene.
Hemseroka Rayvistina Stembole ya HDP Elîf Bûlûte, nêy ardîy ziwan.
Badê hem girankerdişanê tecrîdê verva Birêz Ocalanî, êrîşê verva hêzanê demokrasî zî giran benê.
Bûlûte qedexeyê 6 aşman yo pêdîyişê bi pawitoxan reyde vist vîrî û wina dewam kerd.
Badê nêy qedexeyî verva HDP, êrîşanê bi hincetê serrewedartişanê Kobanê dest pê kerd.
Tecrîdê verva Birêz Ocalanî û nêy êrîşê qirkerdişê sîyasî têreyde giredayeyê û nêşikenê cê ra cîya bêrê destgirewtiş.
Bûlûte vat 23’ê Îlone de qedexe pêk yeno û dime ra zî êrîşê qirkerdişê sîyasî kewenê merîyete.
Bi no sebeb tecrîdê verva Birêz Ocalanî, tecrîdêko rêze ra nîyo.
No tecrîd verva hemeyê civat û welatî yeno pêkardene.
Bi no sebeb gere tekoşîna verva pergala tecrîdî zî gere civatî bo
Hetkara Hemserokatîya ESP Beycan Taşkirane zî nêrazîbîyiş nîşanê tecrîdê Îmralî da û nêy ardîy ziwan.
Destpêka êrîş û zextanê verva civatî, Îmralî ra dest pê kenê.
Tecrîdê 22 serran yê Îmralî, di 5 serrêy peyênan de verva heme civat û hêzanê demokrasîyî yeno pêkardene.
Ma naye êrîşanê verva cînîyan, hêzanê kede, dormeyê demokrasî û aştîwazan de vînenê.
Bi na pergala tecrîd, wazenê hemeyê civatî bêveng bikerê.
Taşkirane vat;
Rayira cuwîyeyêkê têreydeyî û aştîya civatî, bi tekoşînêka hembarre ya verva pergala tecrîdî pêkan a.
Seba çareserbîyişê doza kurde, gere di serre de tecrîd bêro bipeynîkerdene.
Seba naye zî gere heme beşê civatî verva na pergale tekoşîne bidê.
Seba tekoşînêka bitesîre zî gere cepheyêko verhîra yo civatî bêro awankerdene.
