“Bijî Serok Apo”
Ango Bicuwîyo Serok Apo.
Her cayê Kurdan de, serewedaritişan, çalakîyanê gerîlayan , newrozan, gorê şehîdan û degzehanê îşkenceyî de bîya peymana ke vengê azadîye dana.
Na slogan kora ra amey?
Aşma amnanî 1984
Wexto ke Kurdîstan de çend gerîlayan amadekarîya çalakîyanê Dih û Şemzînanî kerdêne, Ewropa de komanê welatperweranê ke dormeyê Têkoşînê Azadîye de kom bibî, qerarê çalakîya ‘Rayraşîyayîşê Dergî’ daye.
24ê nîsana 1984î de bire ameye dayene ke rayraşîyayîş 2 qolan ra ber vi paytextê ê çaxî Bonnî bêro kerdene.
Girseyî waştêne rayberanê PKKyî ra Mehmet Karasungur û Îbrahîm Bîlgîn ê ke Başûrê Kurdîstanî de netîceya komployêkî de ameybî qetilkerdene yad bikerê.
Wird baskî 10ê gulana 1984î de Bonn de resayî yewbînan, roja bîne bi tewrbîyayîşê 130 çalakîkeran hûmara girseyî resaye 500 û nê çalakîkeran nawnayîşêk serûber kerd.
11ê gulana 1984î de çalakîkeran rayraşîyayîşê 16 saetan ra dima Koln de şewa paştdayîşê organîze kerde ke hunermendî Hozan Mizgîne, Hozan Sefkan, Serdar û Hozane Zozane tewrê ci bîyî.
Salone bi çalakîkeran bibî pirr.
Rojanmeyê Serxwebûnî hûmara xo ya hezîrana 1984î de wina qala na şewe kerde:
“Girseyî xoverdayîş û rayberîya xo payan ser o yad kerdî û bi deqaya çepikî dayî piro.
Salone de sloganê sey ‘Biciwîya Partîya Karkerkan a Kurdîstanî, Bicuwîyo Serok Apo ‘Bijî Serok Apo’, ameyî vatene.”
A şewe no slogan reya verêne ame vatene.
Hunermend Seyîdxan zî tewrê şewe bibi û bi vengêkê berzî vat: ‘Biciwîyo Serekê ma Apo’.
Her kes werişt payan ser û na slogan vat.
Dima no slogan vila bi û vurîya Biciwîyo Serok Apo.”
Slogan peynîya serranê 1980an de Ewropa, Rojawan û Vakurê Kurdîstanî ra û metropolê Tirkîya ra vila bi.
Medyaya tirke û dinya no slogan Adara 1990î de rojanê serewedaritişî yê Nisêbîn, Cizîre û Amed de dî.
Rayver Apo derheqê sloganî de wina vatbi:
”Seba rayberîye vengîyêke estbî. Key û senî dest pêkerd ez nêzanena. La raştîyêke esta, ke şarê kurdî wina bi asanî rayberîya xo nas keno.
Înan rê îxanet ame kerdêne la reyna zî nas kenê. “
