Endama Konseya Serokatîya Pêroyî ya KCK Sozdar Avesta, tewrê Bernameyê Taybetî yê Stêrk Tv bî.
Sozdar Avesta vat; Do şarê Şengale bi tu awayî îqtîdarê îxanetkaran qebûl nêkero.
Endama Konseye Serokatîya Pêroyî ya KCK Sozdar Avesta, tewrê bernameyê Taybetî yê Stêrk Tv bî.
Sozdar Avesta si qiseykerdişê xo de, giranîye da Peymana maberê Enqera, Hewlêr û Bexda ya derheqê Şengale de, ser.
Sozdar Avesta bale ante roca eşkerakerdişê peymane, 9’ê Citmenge ser û vat; Na nîşaneyê domnayişê koplo ya.
Sozdar Avesta derheqê peymane de vat;
Na peymane, peymana ewroyî nîya. Her çende 9’ê Citmenge de ameya eşkerakerdene zî, bi serran o binkeya na peymane yena hedrekerdene.
Sozdar Avesta vat; Peymane verva hêzanêy ke DAÎŞ têk berd ameya kerdiş.
Di esasê xo de bi na peymane wazenê çîyo ke DAÎŞ nêşika bikero, êy bixo pêk bîyarê û temam bikerê.
Sozdar Avesta vat; Bi na peymane wazenê plan û projeyanê xo yê verva rojavayî zî bidomnê.
Na plane di merîyete de ya.
Êrîşê verva Efrînî ra heta Girê Spî û Serêkanîye. Nika zî Şengale….
Sozdar Avesta derheqê vatişê ” Hêzê Şengale meşrû nîyê” de berteke nîşan da û vat.
Dişmentîya verva hêzanê Şengale, bi sebebo ke PKK yî êy ro hêzêka eskerî vûrnayê ya.
Raşta PKK yî hetkarîye kerde. Bi verkêşîya fermandarê qehremanî Egîdê Şengele, Egîd Civyanî, verva DAÎŞ’î mudaxeleyêko şoreşger ame pêkardene. Ma bi naye serberz ê.
Sozdar Avesta vat; Proje û peymanê di derheqê Şengale de, bê îrade û qebûlê Şarê Şengele nêşikenê bêrê pêkardene.
Gere di serre de persgiray bi Şarî reyde bêrê nîqaşkerdiş.
Di serre de persgiraya agêrayişî yê Şengale est a. Seba naye gere projey bêrê hedrekerdene.
Dirbetêy ke di cuwîyeyê şarî de virazîyayê bêrê dermankerdiş. Nê heme zî gere bi îrade û qebûlê şarê Şengale pêk bêrê.
Gere Îrade û statûya Şengale di Destûrnameya Îraqî de bêro bicakerdene û hikumatê Vaşûrî zî verva na statûye rêzdar bo.
Sozdar avesta helweste nîşannêdayişê na peymane ya partîyanê sîyasîyan û şexsîyetan zî rexne kerde û vat;
Gere helwestêka cîddî bêro nîşandayene. Helweste nîşannêdayişê na peymana qilêrine, yeno mehneyê qebûlkrediş û paştîdayişî.
Endama Konseya Serokatîya Pêroyî ya KCK yî Sozdar Avesta, vatişê xo wina bi peynî kerdîy.
Tu hêzêke nêşikena bê îradeyê Şarê Şengale na peymane bifîno merîyete. Gere tu Şengalij û tu Êzîdîyêke na peymana qilêrine qebûl nêkero.
